Երևանում 23-ամյա կինը դանակահարել է ամուսնուն

© Sputnik / Asatur YesyantsԴանակ
Դանակ - Sputnik Արմենիա, 1920, 04.04.2022
Բաժանորդագրվեք
Yandex newsTelegram
Հիվանդանոցում երիտասարդի բարեկամը հայտնել էր, որ նա վնասվածքը ստացել է Սվաճյան փողոցում ընկնելու հետևանքով:
ԵՐԵՎԱՆ, 4 ապրիլի - Sputnik. Ապրիլի 1-ին, ժամը 22.35-ին, հիվանդանոցից ոստիկանություն հաղորդում էր ստացվել, որ «կրծքավանդակի ձախից կտրած-ծակած-թափանցող վիրավորում» ախտորոշմամբ բուժօգնության է տեղափոխվել 24-ամյա երիտասարդ:
Տեղեկությունը հայտնում են ՀՀ ոստիկանությունից։
Հիվանդանոցում երիտասարդի բարեկամը հայտնել էր, որ նա վնասվածքը ստացել է Երևանի Սվաճյան փողոցում ընկնելու հետևանքով: Հիվանդանոց մեկնած օպերատիվ խումբը տեղեկացել էր, որ երիտասարդն ի վիճակի չէ բացատրություն տալու:
Ոստիկանության Մալաթիայի բաժնի ծառայողների ձեռնարկած միջոցառումների շնորհիվ պարզվել է, որ տանը տեղի ունեցած վիճաբանության ժամանակ երիտասարդին դանակով խփել էր կինը:
Բացատրական աշխատանքի արդյունքում 23-ամյա կինը ներկայացել է բաժին և տվել խոստովանական բացատրություն: Նախապատրաստվում են նյութեր:
Լրահոս
0