ՌԴ զինվորականների հասցեին հնչող մեղադրանքներն ապացույցներ չունեն․ Նեբենզյան՝ Զելենսկուն

© POOL / Անցնել ֆոտոբանկՎասիլի Նեբենզյա
Վասիլի Նեբենզյա - Sputnik Արմենիա, 1920, 05.04.2022
Վասիլի Նեբենզյա
Բաժանորդագրվեք
Yandex newsTelegram
Ռուսաստանը հազարավոր մարդկանց վկայություններ ունի, որոնք պատրաստ են ցուցմունք տալ ուկրաինացի ազգայնականների դաժանության մասին։
ԵՐԵՎԱՆ, 5 ապրիլի – Sputnik. ՄԱԿ-ում ՌԴ մշտական ներկայացուցիչ Վասիլի Նեբենզյան Ուկրաինայի նախագահ Վլադիմիր Զելենսկուն ասել է, որ ՌԴ զինվորականներին ուղղված մեղադրանքներն ապացույցներ չունեն։
Նշենք, որ Զելենսկին տեսակապով ելույթ էր ունեցել ՄԱԿ-ի ԱԽ նիստի շրջանակում։
«Մենք ձեր խղճին ենք թողնում Ռուսաստանի զինծառայողների հասցեին ուղղված անհիմն մեղադրանքները, որոնք չեն հաստատվում որևէ ականատեսի վկայությամբ։ Մենք այդ մասին երեկ մանրամասն խոսել ենք մամուլի ասուլիսի ժամանակ»,-ասել է Նեբենզյան։
Նա վստահեցրել է, որ Ռուսաստանը հարյուրավոր, եթե ոչ հազարավոր մարդկանց վկայությունների ունի, որոնք պատրաստ են ցուցմունք տալ ուկրաինացի ազգայնականների դաժանության մասին։
Ավելի վաղ Ուկրաինայի իշխանություններն ու ԶԼՄ–ները տեսագրություն էին տարածել, որն իբր նկարահանվել է Կիևի մարզի Բուչա քաղաքում։ Կադրերում երևում է, որ ճանապարհին մարմիններ են ընկած։ Օգտատերերը ուշադրություն են դարձրել, որ «դիերը» շարժում են ձեռքերն ու թաքցնում վերջույթները՝ ռազմական տեխնիկայի անիվների տակ չմնալու համար։ Օպերատորի մեքենայի հայելիում կարելի է նկատել, թե ինչպես է «զոհվածներից» մեկը վեր կենում, երբ մեքենան անցնում է։
Կիևը խաղաղ բնակիչների մահվան մեջ մեղադրում է Ռուսաստանի զինվորականներին։ ԵՄ-ն սպառնում է նոր պատժամիջոցներով։
ՌԴ ՊՆ-ն հայտարարել է, որ բոլոր լուսանկարներն ու տեսանյութերն Ուկրաինայի իշխանությունների սադրանքն են: Ինչպես նշել են ռազմական գերատեսչությունում, այն ժամանակ, երբ քաղաքը եղել է ՌԴ զինված ուժերի վերահսկողության տակ, տեղի բնակիչներից ոչ մեկը չի տուժել բռնի գործողություններից: Նախարարությունում հայտնել են, որ ՌԴ բոլոր ստորաբաժանումները Բուչայից դուրս են եկել դեռևս մարտի 30-ին ՝ Ստամբուլում ռուս-ուկրաինական բանակցությունների հաջորդ օրը:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 41–րդ օրը։
Լրահոս
0