Ռուսաստանի և Հայաստանի սակրավորները ականազերծված գյուղերը հանձնել են Սիրիայի իշխանությանը

© Sputnik / Անցնել ֆոտոբանկՀալեպի Էլ-Հանդանիա թաղամասի բնակելի շենքեր
Հալեպի Էլ-Հանդանիա թաղամասի բնակելի շենքեր - Sputnik Արմենիա, 1920, 06.04.2022
Բաժանորդագրվեք
Yandex newsTelegram
Հալեպի նահանգում ականազերծումն իրականացվում էր անցյալ տարվա նոյեմբերից։
ԵՐԵՎԱՆ, 6 ապրիլի — Sputnik. Սիրիայում հակամարտող կողմերի հաշտեցման ռուսական կենտրոնը սակրավորների հետ, որոնք ընդգրկված են Սիրիայում ՀՀ Զինված ուժերի մարդասիրական առաքելության ութերորդ խմբի կազմում, ականազերծել են ավելի քան 120 հազար քառակուսի մետր գյուղատնտեսական հող ու հանձնել Սիրիայի Հալեպ նահանգի իշխանությանը. լրագրողներին հայտնել է կենտրոնի ներկայացուցիչ Վադիմ Բոյկոն։

«Անցյալ տարվա նոյեմբերից Հայաստանի Հանրապետության զինված ուժերի զորակազմի հումանիտար ականազերծման զորախումբն այստեղ աշխատանքներ է տարել։ Ընդհանուր ջանքերով ականազերծվել է ավելի քան 123 հազար քառակուսի մետր տարածք, հայտնաբերվել և ոչնչացվել է 204 պայթյունավտանգ օբյեկտ»,- հանձնման արարողությանն ասել է Բոյկոն:

Սիրիացիների խոսքով, ռուս և հայ սակրավորների համատեղ աշխատանքը թույլ է տվել նորից շահագործել «վիթխարի քանակությամբ ցանքատարածություններ ու փրկել հարյուրավոր գյուղացիների կյանքեր»։
Հայ մասնագետները Հալեպի իշխանություններին են հանձնել ականազերծված տարածքների քարտեզները
Կենտրոնի ներկայացուցիչը հայտնել է, որ կշարունակվեն պայթյունավտանգ առարկաներից մաքրման աշխատանքները։ Նախատեսվում է ականազերծել ինչպես գյուղատնտեսական տարածքները, այնպես էլ շենքերի, բնակավայրերի հարակից տարածքները:
Լրահոս
0