«Ազովի» զինյալների հետ Զելենսկու ելույթը սկանդալ է առաջացրել Հունաստանի խորհրդարանում

© REUTERS / COSTAS BALTASՈւկրաինայի նախագահ Վլադիմիր Զելենսկին Հունաստանի խորհրդարանի առջև ելույթի ժամանակ (7 ապրիլի, 2022)․ Աթենք
Ուկրաինայի նախագահ Վլադիմիր Զելենսկին Հունաստանի խորհրդարանի առջև ելույթի ժամանակ (7 ապրիլի, 2022)․ Աթենք - Sputnik Արմենիա, 1920, 07.04.2022
Բաժանորդագրվեք
Yandex newsTelegram
Զելենսկին հունական խորհրդարանի առջև տեսակապով հանդես է եկել ուկրաինական ազգայնական «Ազով» գումարտակի երկու զինյալների հետ, որի մարտիկների դեմ Ռուսաստանում քրեական գործ է հարուցվել:
ԵՐԵՎԱՆ, 7 ապրիլի – Sputnik. Ուկրաինայի նախագահ Վլադիմիր Զելենսկին Հունաստանում քաղաքական սկանդալ է հրահրել։ Ուկրաինայի նախագահի ելույթը վրդովեցրել է հույն խորհրդարանականներին, հաղորդում է ՌԻԱ Նովոստին:
Ուկրաինայի նախագահին ողջունել են միայն իշխող «Նոր ժողովրդավարություն» կուսակցության պատգամավորները, մյուսները՝ ոչ։
Պուտինն ու Զելենսկին կարող են հանդիպել, երբ բանակցություններն արդյունք ունենան. Լավրով
Իսկ երբ նրա ելույթի ժամանակ կադրում հայտնվել են գրոհայիններ (Զելենսկին նրանց ներկայացրեց որպես էթնիկ հույներ) ուկրաինական ազգայնական «Ազով» գումարտակից, որի մարտիկների դեմ Ռուսաստանում քրեական գործ է հարուցվել, հույն պատգամավորները վրդովվել են։
Հունաստանի ընդդիմադիր «ՍԻՐԻԶԱ – առաջադիմական դաշինք» կուսակցության քարտուղար Օլգա Գերովասիլին հայտարարել է, որ նման միջոցառումների հրավիրելն անընդունելի է:
«Առաջիկայում մենք կունենանք կուսակցությունների առաջնորդների խորհրդակցություն, և մենք բացատրություններ կխնդրենք խորհրդարանի նախագահ Տասուլասից, թե արդյոք նա տեղեկացված է եղել և տվել է արդյոք նա համաձայնություն»,-ասել է նա:
Պատգամավորները մտադիր են Հունաստանի խորհրդարանի խոսնակ Կոնստանտինոս Տասուլասից պատասխան պահանջել:
Փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 43–րդ օրը։
Լրահոս
0