Փառուխի հարցով միասնական գնահատական չունեցանք. Փաշինյանը` Ալիևի հետ հանդիպման մասին

© Photo : official site of MESCS of ARՔարագլուխ
Քարագլուխ - Sputnik Արմենիա, 1920, 07.04.2022
Քարագլուխ
Բաժանորդագրվեք
Yandex newsTelegram
Փաշինյանը հայտնեց, որ Փառուխի թեմայի հետագա քննարկումը պատեհ չի համարել բրյուսելյան հարթակում, քանի որ խոսքը ԼՂ–ում ՌԴ խաղաղապահ առաքելության պատասխանատվության գոտի ադրբեջանական ստորաբաժանումների ներխուժման մասին է։
ԵՐԵՎԱՆ, 7 ապրիլի – Sputnik. ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպման ժամանակ քննարկվել է նաև Արցախի Փառուխ գյուղում ստեղծված իրավիճակը, սակայն այդ քննարկումները չեն հանգեցրել իրավիճակի միասնական գնահատականի։ Կառավարության նիստի ժամանակ հայտնեց Նիկոլ Փաշինյանը` անդրադառնալով երեկ Բրյուսելում Ալիևի հետ կայացած հանդիպմանը։
«Երեկ ԼՂ–ում անվտանգային միջավայրի վատթարացման մասին քննարկում գնաց։ Կոնկրետ Փառուխի թեմայի հետագա քննարկումն ինքս պատեհ չհամարեցի բրյուսելյան հարթակում, քանի որ խոսքը ԼՂ–ում ՌԴ խաղաղապահ առաքելության պատասխանատվության գոտի ադրբեջանական ստորաբաժանումների ներխուժման մասին է։ Այս հարցն ավելի շատ պետք է քննարկվի ՌԴ գործընկերների մասնակցությամբ, ինչն անում ենք»,–ասաց Փաշինյանը։
Նրա խոսքով` ինչպես արդեն ասվել է` հայկական կողմն ակնկալում է, որ ԼՂ–ում խաղաղապահները միջոցներ կձեռնարկեն իրենց պատասխանատվության գոտուց ադրբեջանական ստորաբաժանումների դուրս բերումն ապահովելու համար։
Փաշինյանը նշեց նաև, որ կարևոր է իրադարձությունների զարգացման ընթացքում և թատերաբեմում ՌԴ խաղաղապահների գործունեության գործողությունների համարժեքության և հնարավոր անգործության հետաքննությունը։ Նա հավելեց, որ այդ մասին խոսել է նաև ՌԴ նախագահ Վլադիմիր Պուտինի հետ հեռախոսազրույցում։
ՀՀ–ի ու Ադրբեջանի ԱԳ Ն–ներին հանձնարարվել է սկսել պայմանագրի նախապատրաստական աշխատանքները
Ադրբեջանի զինված ուժերը մարտի 24-ին` ժամը 16։00-ին, ԼՂ Ասկերանի շրջանի Փառուխ գյուղի ուղղությամբ խախտել են շփման գիծը ու առաջ շարժվել Քարագլխի դիրքերի ուղղությամբ։
Մարտի 25–ի գիշերը նրանք կրակ են բացել ՊԲ ստորաբաժանումների վրա, արդյունքում հայկական կողմից վիրավորում են ստացել պայմանագրային 5 զինծառայողներ։
Մարտի 25-ի կեսօրից Ադրբեջանի ԶՈւ ստորաբաժանումները՝ բացի հրաձգային զինատեսակներից, կիրառել են նաև հարվածային անօդաչու թռչող սարքեր, այդ թվում` Bayraktar TB-2: Հայկական կողմից զոհվել են ՊԲ պայմանագրային 3 զինծառայողներ, վիրավորները 14-ն են:
Իրավիճակի սրացման պատճառով Խրամորթից տարհանվել են երեխաներն ու կանայք։
Մարտի 29-ին ադրբեջանցիները հեռացել են Փարուխից ու այնտեղ ռուսաստանցի խաղաղապահներ են տեղակայվել, բայց նրանք շարունակում են մնալ Քարագլխի դիրքերի մի հատվածում։
Արցախի իշխանություններն ու խաղաղապահները բանակցություններ են վարում ադրբեջանցիներին այդտեղից հեռացնելու նպատակով։
Լրահոս
0