Հանգամանքներ կան, որոնք պարզաբանման կարիք ունեն. Լավրովը` Փառուխի մասին

© Photo : press office of MoD of RFՌԴ խաղապահները Արցախի Փառուխ համայնքի մոտ
ՌԴ խաղապահները Արցախի Փառուխ համայնքի մոտ - Sputnik Արմենիա, 1920, 08.04.2022
ՌԴ խաղապահները Արցախի Փառուխ համայնքի մոտ
Բաժանորդագրվեք
Yandex newsTelegram
Ռուսաստանի արտգործնախարարը հուսով է, որ խաղաղապահներին պատասխանատվության ենթարկելու կոչերը չեն արտացոլում Հայաստանի վերաբերմունքը:
ԵՐԵՎԱՆ, 8 ապրիլի - Sputnik. Ռուսաստանի արտգործնախարար Սերգեյ Լավրովը Մոսկվայում ՀՀ արտգործնախարար Արարատ Միրզոյանի հետ ճեպազրույցում ասել է, որ Ասկերանի շրջանի Փառուխ գյուղի շուրջ տեղի ունեցող իրադարձությունների հանգամանքները պարզաբանումներ են պահանջում։
Նախարարը հիշեցրել է, որ իրադարձությունների հենց սկզբից ռուս զինվորականները հայտարարել են, որ զբաղվում են բոլոր հանգամանքների պարզաբանմամբ:

«Այդ հանգամանքները մեզ համար մինչև վերջ պարզ չեն։ Ես չէի ցանկանա առաջ անցնել և վերջնական դատողություններ անել։ Մենք համոզված ենք, որ մեր հայ ընկերները լիովին վստահում են ՌԴ խաղաղապահներին», - նշել է նա։

Լավրովը հուսով է, որ խաղաղապահներին պատասխանատվության կանչելու, ծառայողական քննություն անցկացնելու կոչերը չեն արտացոլում հայ ժողովրդի և Հայաստանի ղեկավարության վերաբերմունքը. զորակազմը հսկայական դեր է խաղում կայունության պահպանման գործում: Ոչ մեծ միջադեպեր են տեղի ունենում, բայց ռուսական կողմը հետաքննում է դրանք։
Ադրբեջանի զինված ուժերը մարտի 24-ին` ժամը 16։00-ին, ԼՂ Ասկերանի շրջանի Փառուխ գյուղի ուղղությամբ խախտել էին շփման գիծը ու առաջ շարժվել Քարագլխի դիրքերի ուղղությամբ։
Մարտի 25–ի գիշերը նրանք կրակ էին բացել ՊԲ ստորաբաժանումների վրա, արդյունքում հայկական կողմից 5 պայմանագրային զինծառայող է վիրավորվել։
Մարտի 25-ի կեսօրից Ադրբեջանի ԶՈւ ստորաբաժանումները, բացի հրաձգային զինատեսակներից, կիրառել էին նաև հարվածային անօդաչու թռչող սարքեր, այդ թվում` «Bayraktar TB-2»: Հայկական կողմից զոհվել են ՊԲ 3 պայմանագրային զինծառայող, վիրավորները 14-ն են:
Իրավիճակի սրացման պատճառով Խրամորթից տարհանվել են երեխաներն ու կանայք։
Մարտի 29-ին ադրբեջանցիները հեռացել են Փառուխից, ու այնտեղ ռուս խաղաղապահներ են տեղակայվել, բայց նրանք շարունակում են մնալ Քարագլխի դիրքերի մի հատվածում։
Արցախի իշխանություններն ու խաղաղապահները բանակցություններ են վարում ադրբեջանցիներին այդտեղից հեռացնելու նպատակով։
Լրահոս
0