ՀՀ–ում հարցվածների 72,8%-ը բացասական է վերաբերվում ՌԴ–ի դեմ պատժամիջոցներին. GALLUP

© REUTERS / DADO RUVICՊատժամիջոցներ
Պատժամիջոցներ - Sputnik Արմենիա, 1920, 08.04.2022
Պատժամիջոցներ
Բաժանորդագրվեք
Yandex newsTelegram
Հայաստանում անցկացված հարցման համաձայն` 44,3%-ը կողմ է, որ Հայաստանը ճանաչի Դոնեցկի և Լուգանսկի անկախությունը։
ԵՐԵՎԱՆ, 8 ապրիլի – Sputnik. ՀՀ քաղաքացիների 63,5%-ը դրական է համարում Ռուսաստանի կողմից Լուգանսկի և Դոնեցկի անկախության ճանաչումը ։ Այսօր հրավիրված ասուլիսի ժամանակ հայտնեց «GALLUP International Association»–ի հայկական ներկայացուցչության ղեկավար Արամ Նավասարդյանը` ներկայացնելով հարցման տվյալները։
Հարցումն անցկացվել է ապրիլի 2-6-ը։ Հեռախոսային հարցմանը 1002 անձ է մասնակցել։
«Հարցվածների 7,7%-ն ընդհանրապես բացասական է համարել Ռուսաստանի կողմից Լուգանսկի և Դոնեցկի անկախության ճանաչումը, 4,8%-ը` ավելի շուտ բացասական, իսկ 22,2%-ը դժվարացել է պատասխանել այդ հարցին»,–ասաց Նավասարդյանը։
Հարցին, թե ՀՀ–ն պե՞տք է ճանաչի Դոնեցկի և Լուգանսկի անկախությունը, հարցվածների 44,3%-ը դրական պատասխան է տվել, իսկ 28,2%-ը` բացասական։ 27%-ը դժվարացել է պատասխանել այս հարցին։
Բացի այդ, հարցվածների 45,8%-ն ասել է, որ ՌԴ գործողություններն Ուկրաինայում արդարացի են, իսկ 39,6% -ը բացասական գնահատական է տվել։ Այս հարցին դժվարացել է պատասխանել հարցվածների 14,7%–ը։
Հարցվածներից հետաքրքրվել են նաև, թե ինչպես են վերաբերվում ՌԴ–ի դեմ Արևմուտքի պատժամիջոցներին։ Հարցվածների 72,8%-ն ասել է` բացասական։ Պատժամիջոցների առնչությամբ դրական վերաբերմունք ունի հարցվածների 19,4%-ը, իսկ 7,9%-ը դժվարացել է պատասխանել այդ հարցին։ Հարցվածների 86,6%-ը դրական է համարել մեծ թվով ռուսաստանցիների հոսքը, 11,8% -ը` բացասական։ Հարցին դժվարացել է պատասխանել հարցվածների 1,6%-ը։
Փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Փետրվարի 21-ից ի վեր, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ-ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։ Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 44–րդ օրը։
Լրահոս
0