ԱՄՆ-ի ավելի քան 20 քաղաքացիներ հայտնվել են Իրանի պատժամիջոցների տակ

© AP Photo / Ronald ZakԻրանական դրոշ
Իրանական դրոշ - Sputnik Արմենիա, 1920, 09.04.2022
Բաժանորդագրվեք
Yandex newsTelegram
Իրանի ԱԳՆ հայտարարության մեջ նշված է, որ սահմանափակումները հայտարարվել են ահաբեկչությանն աջակցելու, ինչպես նաև Մարդու իրավունքների խախտման համար։
ԵՐԵՎԱՆ, 9 ապրիլի — Sputnik. Իրանի ԱԳՆ-ն այսօր պատժամիջոցներ է սահմանել ԱՄՆ 24 քաղաքացիների դեմ՝ ահաբեկչությանն աջակցելու ու մարդու իրավունքների խախտման համար։ Տեղեկությունը հայտնում է ՌԻԱ Նովոստին:
Նշվում է, որ ահաբեկչությանն աջակցելու համար սահմանափակումները մտցվում են ԱՄՆ բանակի շտաբի նախկին պետ, գեներալ Ջորջ Ուիլյամ Քեյսի կրտսերի, ԱՄՆ Կենտրոնական հրամանատարության նախկին հրամանատար գեներալ Ջոզեֆ Լ.Վոտելի դեմ:
Պատժամիջոցների տակ են հայտնվել նաև Աֆղանստանում ԱՄՆ-ի ու ՆԱՏՕ-ի զորքերի նախկին հրամանատար, գեներալ-լեյտենանտ Օսթին Միլերը, Կոնետկտիկուտ նահանգից ԱՄՆ սենատոր Ջոզեֆ Լիբերմանը, որը հանդես է եկել Թեհրանի կողմից միջուկային ծրագրի զարգացման պատճառով Իրանի դեմ խիստ պատժամիջոցների օգտին, ու ԱՄՆ-ի ևս 5 քաղաքացիներ:
ՀՀ–ում հարցվածների 72,8%-ը բացասական է վերաբերվում ՌԴ–ի դեմ պատժամիջոցներին. GALLUP
Ցուցակում հիշատակվում են նաև 15 անձ, որոնց դեմ պատժամիջոցներ են սահմանվում մարդու իրավունքների խախտման համար: ԱՄՆ-ի առևտրի նախկին նախարար Ուիլբուր Ռոսը, ԱՄՆ-ի ֆինանսների նախկին նախարար Ջեյքոբ Լյուն, ԱՄՆ-ի ֆինանսների նախկին փոխնախարար Սառա Բլում Ռասկինը, ինչպես նաև սպառազինությունների վերահսկման հարցերով ԱՄՆ նախագահի նախկին հատուկ ներկայացուցիչ Մարշալ Բիլինգսլին:
Լրահոս
0