ՌԴ ԶՈւ-ն «Կալիբրներով» խոցել է Եվրոպայից Կիևին մատակարարված C-300 դիվիզիոնի տեխնիկան

© Sputnik / Пресс-служба Минобороны РФ / Անցնել ֆոտոբանկОфициальный представитель министерства обороны РФ генерал-майор Игорь Конашенков
Официальный представитель министерства обороны РФ генерал-майор Игорь Конашенков - Sputnik Արմենիա, 1920, 11.04.2022
Բաժանորդագրվեք
Yandex newsTelegram
ՌԴ Պաշտպանության նախարարության պաշտոնական ներկայացուցիչը նոր տվյալներ է ներկայացրել հատուկ գործողության մասին։
ԵՐԵՎԱՆ, 11 ապրիլի - Sputnik. Ռուսաստանի ԶՈւ-ն «Կալիբր» ծովային բազավորման բարձր ճշգրտության հրթիռներով խոցել է C-300 զենիթահրթիռային դիվիզիոնի տեխնիկան, որը մատակարարվել էր եվրոպական երկրների մեկի կողմից: Տեղեկությունն այսօր ճեպազրույցի ժամանակ հայտնել է ՌԴ Պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը։
«Ապրիլի 10-ին Դնեպրոպետրովսկ քաղաքի հարավային ծայրամասում «Կալիբր» ծովային բազավորման բարձր ճշգրտության հրթիռներով ոչնչացվել է С -300 զենիթահրթիռային դիվիզիոնի՝ անգարում թաքցրած տեխնիկան, որը մատակարարվել է Կիևի ռեժիմին եվրոպական երկրներից մեկի կողմից։ Խոցվել են այդ թվում С-300 չորս արձակման կայանքներ և Ուկրաինայի զինված ուժերի անձնակազմի մինչև 25 մարդ», - հայտարարել է նա։
Գեներալը հայտնել է նաև, որ մեկ օրում ռուս զինվորականները ոչնչացրել են զինամթերքի երկու պահեստ ու С -300 զենիթահրթիռային համալիրի ռադիոտեղորոշիչը:
Նա հավելել է, որ բարձր ճշգրտության հարվածների հետևանքով Դոնեցկի մարզի Վոզվիժենկա-2 և Իվանովկա բնակավայրերի շրջաններում ոչնչացվել են ինը տանկ, 2C3 «Ակացիա» 5 ինքնագնաց հրետանային կայանքներ, ԲՄ-21 «Գրադ» համազարկային կրակի հինգ ռեակտիվ համակարգեր և ավելի քան 60 ազգայնականներ:
Կոնաշենկովի խոսքով՝ Ուկրաինայում հատուկ գործողության ընթացքում ոչնչացվել է 129 ինքնաթիռ և 99 ուղղաթիռ, ինչպես նաև 243 զենիթահրթիռային համալիր:
Բացի այդ, ոչնչացվել է 441 անօդաչու սարք, 2079 տանկ և այլ մարտական զրահամեքենա, համազարկային կրակի ռեակտիվ համակարգերի 239 կայանք, դաշտային հրետանու ու ականանետի 909 միավոր , ավելի քան երկու հազար հատուկ ռազմական ավտոմոբիլային տեխնիկա:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 47–րդ օրը։
Լրահոս
0