Միջադեպ ադրբեջանա-իրանական սահմանին. փորձել են 17 կգ թմրանյութ անցկացնել

© Sputnik / Алексей Куденко / Անցնել ֆոտոբանկԱդրբեջանցի զինծառայող. արխիվային լուսանկար
Ադրբեջանցի զինծառայող. արխիվային լուսանկար - Sputnik Արմենիա, 1920, 13.04.2022
Բաժանորդագրվեք
Yandex newsTelegram
Հանցագործները դիմել են փախուստի, փաթեթները մնացել են:
ԵՐԵՎԱՆ, 13 ապրիլի – Sputnik. Երկու անհայտ անձ նախորդ գիշեր փորձել են հատել իրանա-ադրբեջանական սահմանը և 17 կգ թմրանյութ տեղափոխել։ Աղբյուրի համաձայն` սահմանապահների «կա՛նգ առ» հրամանին չենթարկվելուց հետո սահմանախախտների ուղղությամբ կրակ են բացել։
«Սահմանախախտները դիմել են փախուստի՝ օգտվելով տեղանքի բարդությունից, ինչպես նաև եղանակային անբարենպաստ պայմաններից»,- հայտնում է Ադրբեջանի պետական սահմանային ծառայությունը։
Որոնողական աշխատանքների արդյունքում տարածքում հայտնաբերվել են 2 փաթեթներ, որոնց մեջ եղել են 3189 մեթադոն հաբ, ինչպես նաև մոտ 17 կիլոգրամ թմրամիջոց (հերոին, մարիխուանա, մետամֆետամին)։ Փաթեթներն առգրավվել են։
Ավելի վաղ նմանատիպ մի քանի այլ միջադեպեր են գրանցվել։ Ապրիլի սկզբին Իրանի երեք քաղաքացիներ փորձել են ապօրինի հատել պետական սահմանը։ Օրինախախտներից մեկին հաջողվել է փախչել, երկրորդը բերման է ենթարկվել, իսկ երրորդը սպանվել է։ Իրանցիների մոտ հայտնաբերվել է AKM ինքնաձիգ, 24 կիլոգրամ թմրամիջոցով 2 փաթեթ (մարիխուանա, հերոին, ափիոն, մետամֆետամին) և հոգեմետ դեղի 300 հաբ։
Իրանա-ադրբեջանական սահմանին կրկին հրաձգություն է եղել. ԻԻՀ քաղաքացի է սպանվել
Օրեր առաջ ևս մեկ միջադեպ է տեղի ունեցել Ջրականի (Ջաբրայիլ) տարածքում. Ադրբեջանի պետական սահմանային ծառայության տվյալներով՝ վեց մարդ փորձել էր խախտել սահմանը, փոխհրաձգություն էր տեղի ունեցել, որից հետո ադրբեջանական ուժայինները սկսել էին հետապնդել նրանց։ Վեցից մեկը սպանվել էր, իսկ հինգը կարողացել էին տարածքից փախչել։
Լրահոս
0