Եվրոպայի առաջնությունում հայ բռնցքամարտիկը ջախջախել է թուրք մրցակցին

© Photo : press office of the Boxing federation of ArmeniaՀայ բռնցքամարտիկները ՝ Բուլղարիայում ընթացող Եվրոպայի երիտասարդական առաջնությունում
Հայ բռնցքամարտիկները ՝ Բուլղարիայում ընթացող Եվրոպայի երիտասարդական առաջնությունում - Sputnik Արմենիա, 1920, 17.04.2022
Բաժանորդագրվեք
Yandex newsTelegram
Մրցավարները ստիպված են եղել ժամանակից շուտ դադարեցնել մենամարտը՝ հաշվի առնելով թուրք բռնցքամարտիկի վիճակը։
ԵՐԵՎԱՆ, 17 ապրիլի – Sputnik․ Հայ բռնցքամարտիկները շարունակում են հաղթական ելույթներ ունենալ Բուլղարիայում ընթացող՝ երիտասարդների Եվրոպայի առաջնությունում։ Հայաստանի բռնցքամարտի ֆեդերացիան ֆեյսբուքյան էջում նոր հաղթանակների մասին է հայտնել։
Ապրիլի 16-ին անցկացված մենամարտերում առաջին հաղթանակը 67 կգ քաշային Արես Հակոբյանինն էր։ Նա առավելության հասավ էստոնացի Մաքսիմ Մակարովի նկատմամբ։ Այնուհետև 80 կգ քաշային Համլետ Ադամյանը բացահայտ առավելությամբ մոլդովացի մրցակցին հաղթեց։ Մենամարտերը հաղթանակներով են ավարտել նաև 51 կգ քաշային Արեն Ասլամազյանն ու 92 կգ քաշային Ավետիք Հովակիմյանը։

«Ընդ որում, Հովակիմյանը թուրք մրցակցին հաղթեց բացահայտ առավելությամբ։ Մրցակցի առողջությունից ելնելով՝ մրցավարները 3- րդ ռաունդում դադարեցրին մենամարտն ու հաղթանակը շնորհեցին հայ մարզիկին»,- նշված է ֆեդերացիայի հաղորդագության մեջ։

Հիշեցնենք, որ ապրիլի 12-ից 21-ը Բուլղարիայում անցկացվող Եվրոպայի առաջնությունում Հայաստանը ներկայացնում են 13 մարզիկներ: Մեր բռնցքամարտիկները մինչ այս էլ հաղթական ելույթներ են ունեցել։ Մասնավորապես, 60 կգ քաշային Էրիկ Իսրայելյանն 1-ին ռաունդում նոկաուտի է ենթարկել գերմանացի մրցակցին: 63.5 կգ քաշային Արթուր Մկրտչյանը պարտության է մատնել ուկրաինացի Անդրեյ Կոստենկոյին, իսկ 86 կգ քաշային Աղվան Ալեքսանյանը առավելության է հասել չեխ Դավիդ Պոլակի նկատմամբ:
Լրահոս
0