https://arm.sputniknews.ru/20220418/pptsn-kentarkvi-varchapetin-pashtonank-varchapetn-el-grasenjak-u-kensatvoshak-kstana-41035044.html
ՊՊԾ-ն կենթարկվի վարչապետին, պաշտոնանկ վարչապետն էլ գրասենյակ ու կենսաթոշակ կստանա
ՊՊԾ-ն կենթարկվի վարչապետին, պաշտոնանկ վարչապետն էլ գրասենյակ ու կենսաթոշակ կստանա
Sputnik Արմենիա
ԱԱԾ-ի հեղինակած օրինագծերի փաթեթով մի շարք երաշխիքներ ու արտոնություններ են սահմանվում ՀՀ գործող ու պաշտոնաթող բարձրաստիճան պաշտոնյաների համար։ 18.04.2022, Sputnik Արմենիա
2022-04-18T23:09+0400
2022-04-18T23:09+0400
2022-04-19T09:11+0400
հհ ազգային անվտանգության ծառայություն. աած
վարչապետ
նախագահ
աժ (ազգային ժողով)
https://cdn.am.sputniknews.ru/img/07e5/02/1b/26621037_0:161:1600:1061_1920x0_80_0_0_260709773f03aa196458d4af98fbcaca.jpg
ԵՐԵՎԱՆ, 18 ապրիլի – Sputnik. ՊՊԾ-ն առաջիկայում կարող է ենթարկվել ոչ թե ԱԱԾ-ին, այլ վարչապետին։ Ազգային անվտանգության ծառայության կազմում ներկայում գրասենյակի կարգավիճակ ունեցող պետական պահպանության ծառայության համար նոր կարգավիճակի առաջարկով հանդես է եկել հենց ԱԱԾ-ն։Իրավական ակտերի հրապարակման էլեկտրոնային e-draft.am հարթակում այսօր հրապարակված «Հատուկ պետական պաշտպանության ենթակա անձանց անվտանգության ապահովման մասին» ՀՀ օրենքում ու հարակից մի շարք օրենքներում փոփոխությունների փաթեթով ԱԱԾ-ն առաջարկում է պետական պահպանության ծառայությունն առանձնացնել ազգային անվտանգության ծառայության համակարգից և ներառել վարչապետին ենթակա մարմինների շարքում:Նույն նախագծով սահմանվում է նաև, որ ՀՀ հատուկ պետական պաշտպանության ենթակա պաշտոնյաների պահպանությունը պետք է իրականացվի բացառապես ՊՊԾ-ի կողմից։Վարչական զանցանք կամ հանցագործության հատկանիշներ պարունակող գործողությունները կրկին կատարվելու դեպքում պահպանությունը կարող է դադարեցվել ծառայության պետի ներկայացմամբ ու վարչապետի որոշմամբ։Մեկ այլ նորամուծություն ևս. նախագծի հեղինակներն առաջարկում են պահպանության ենթակա պաշտոնյաների ցանկում ավելացնել ԱԺ նախագահին, ինչպես նաև` նրա ընտանիքի անդամներին։«Հայաստանի Հանրապետության Ազգային ժողովի նախագահին պետական պահպանություն տրամադրվում է նրա պաշտոնավարման ժամանակահատվածում՝ նրա մշտական և ժամանակավոր գտնվելու վայրերում։ Հայաստանի Հանրապետության Ազգային ժողովի նախագահի պաշտոնավարման ժամանակահատվածում պետական պահպանություն տրամադրվում է նաև նրա հետ համատեղ բնակվող, ինչպես նաև նրան ուղեկցող ընտանիքի անդամներին»,- սահմանված է նախագծում։Առաջարկվում է նաև ԱԺ նախագահին ու նրա ընտանիքին հատկացնել անհատական բժիշկ, այնպես, ինչպես ներկայում տրամադրվում է ՀՀ վարչապետին ու ՀՀ նախագահին ու նրանց ընտանիքներին։ Եվ այդ ամենը` պետության հաշվին։Ընդ որում, պաշտոնաթող վարչապետին ևս, ինչպես նախագահներին, տրամադրվելու է կահավորված գրասենյակ, ավտոմեքենա, 3-հոգանոց աշխատակազմ և վարչապետի գործող աշխատավարձի 70 տոկոսի չափով կենսաթոշակ։ Ի դեպ, եթե այդ ընթացքում աշխատավարձը բարձրանում է, կենսաթոշակը ևս պետք է վերահաշվարկվի։Բացի այդ, պաշտոնաթող նախագահի ու վարչապետի՝ մեկ տարվա ընթացքում այլ պետություններ կատարվող մինչև 20 օր ընդհանուր տևողությամբ այցերի ծախսերի ընթացքում նրանց պահպանությունը ևս նախատսվում է ապահովել պետության հաշվին` ՊՊԾ աշխատակիցներին վճարելով գործուղման գումարներ։Գործող օրենքներում այս ու մի շարք այլ փոփոխությունների ու լրացումների օրենսդրական փաթեթն առայժմ դրված է հանրային քննարկման։ Մայիսի 3-ից հետո այն կներկայացվի կառավարության հաստատմանը, այնուհետև` խորհրդարանի դատին։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հհ ազգային անվտանգության ծառայություն. աած, վարչապետ, նախագահ, աժ (ազգային ժողով)
հհ ազգային անվտանգության ծառայություն. աած, վարչապետ, նախագահ, աժ (ազգային ժողով)
ՊՊԾ-ն կենթարկվի վարչապետին, պաշտոնանկ վարչապետն էլ գրասենյակ ու կենսաթոշակ կստանա
23:09 18.04.2022 (Թարմացված է: 09:11 19.04.2022) ԱԱԾ-ի հեղինակած օրինագծերի փաթեթով մի շարք երաշխիքներ ու արտոնություններ են սահմանվում ՀՀ գործող ու պաշտոնաթող բարձրաստիճան պաշտոնյաների համար։
ԵՐԵՎԱՆ, 18 ապրիլի – Sputnik. ՊՊԾ-ն առաջիկայում կարող է ենթարկվել ոչ թե ԱԱԾ-ին, այլ վարչապետին։ Ազգային անվտանգության ծառայության կազմում ներկայում գրասենյակի կարգավիճակ ունեցող պետական պահպանության ծառայության համար նոր կարգավիճակի առաջարկով հանդես է եկել հենց ԱԱԾ-ն։
Իրավական ակտերի հրապարակման էլեկտրոնային
e-draft.am հարթակում այսօր հրապարակված «Հատուկ պետական պաշտպանության ենթակա անձանց անվտանգության ապահովման մասին» ՀՀ օրենքում ու հարակից մի շարք օրենքներում փոփոխությունների փաթեթով ԱԱԾ-ն առաջարկում է պետական պահպանության ծառայությունն առանձնացնել ազգային անվտանգության ծառայության համակարգից և ներառել վարչապետին ենթակա մարմինների շարքում:
Նույն նախագծով սահմանվում է նաև, որ ՀՀ հատուկ պետական պաշտպանության ենթակա պաշտոնյաների պահպանությունը պետք է իրականացվի բացառապես ՊՊԾ-ի կողմից։
Ընդ որում, եթե այդ անձինք առերևույթ վարչական զանցանք կամ հանցագործություն են կատարում, պահպանություն իրականացնող խմբի ղեկավարը պարտավոր է պաշտոնյային անհապաղ տեղեկացնել, որ նրա պահպանությունը կարող է կասեցվել, ապա այդ մասին անհապաղ զեկուցել ՊՊԾ պետին:
Վարչական զանցանք կամ հանցագործության հատկանիշներ պարունակող գործողությունները կրկին կատարվելու դեպքում պահպանությունը կարող է դադարեցվել ծառայության պետի ներկայացմամբ ու վարչապետի որոշմամբ։
Մեկ այլ նորամուծություն ևս. նախագծի հեղինակներն առաջարկում են պահպանության ենթակա պաշտոնյաների ցանկում ավելացնել ԱԺ նախագահին, ինչպես նաև` նրա ընտանիքի անդամներին։
«Հայաստանի Հանրապետության Ազգային ժողովի նախագահին պետական պահպանություն տրամադրվում է նրա պաշտոնավարման ժամանակահատվածում՝ նրա մշտական և ժամանակավոր գտնվելու վայրերում։ Հայաստանի Հանրապետության Ազգային ժողովի նախագահի պաշտոնավարման ժամանակահատվածում պետական պահպանություն տրամադրվում է նաև նրա հետ համատեղ բնակվող, ինչպես նաև նրան ուղեկցող ընտանիքի անդամներին»,- սահմանված է նախագծում։
Առաջարկվում է նաև ԱԺ նախագահին ու նրա ընտանիքին հատկացնել անհատական բժիշկ, այնպես, ինչպես ներկայում տրամադրվում է ՀՀ վարչապետին ու ՀՀ նախագահին ու նրանց ընտանիքներին։ Եվ այդ ամենը` պետության հաշվին։
Օրինագծում չեն շրջանցել նաև ՀՀ պաշտոնաթող նախագահներին ու վարչապետերին։ Առաջիններին առաջարկվում է տրամադրել անձնական պետական պահպանություն՝ 7 տարի ժամկետով, պաշտոնաթող վարչապետներին` 10 տարի ժամկետով։ Բայց անհրաժեշտության դեպքում ժամկետները կարող են երկարաձգվել։
Ընդ որում, պաշտոնաթող վարչապետին ևս, ինչպես նախագահներին, տրամադրվելու է կահավորված գրասենյակ, ավտոմեքենա, 3-հոգանոց աշխատակազմ և վարչապետի գործող աշխատավարձի 70 տոկոսի չափով կենսաթոշակ։ Ի դեպ, եթե այդ ընթացքում աշխատավարձը բարձրանում է, կենսաթոշակը ևս պետք է վերահաշվարկվի։
Բացի այդ, պաշտոնաթող նախագահի ու վարչապետի՝ մեկ տարվա ընթացքում այլ պետություններ կատարվող մինչև 20 օր ընդհանուր տևողությամբ այցերի ծախսերի ընթացքում նրանց պահպանությունը ևս նախատսվում է ապահովել պետության հաշվին` ՊՊԾ աշխատակիցներին վճարելով գործուղման գումարներ։
Գործող օրենքներում այս ու մի շարք այլ փոփոխությունների ու լրացումների օրենսդրական փաթեթն առայժմ դրված է հանրային քննարկման։ Մայիսի 3-ից հետո այն կներկայացվի կառավարության հաստատմանը, այնուհետև` խորհրդարանի դատին։
