ԵԱՏՄ երկրների առևտրում ազգային արժույթով հաշվարկների մասնաբաժինը կարող է աճել. Մալկինա

© Sputnik / Aram NersesyanԵՏՀ–ի պաշտոնական ներկայացուցիչ Իյա Մալկինա
ԵՏՀ–ի պաշտոնական ներկայացուցիչ Իյա Մալկինա - Sputnik Արմենիա, 1920, 20.04.2022
ԵՏՀ–ի պաշտոնական ներկայացուցիչ Իյա Մալկինա. Արխիվային լուսանկար
Բաժանորդագրվեք
Yandex newsTelegram
Իյա Մալկինան նշել է, որ ԵԱՏՄ երկրների ներքին փոխադարձ հաշվարկներում ազգային արժույթով վճարումներն աստիճանաբար ավելանում են։
ԵՐԵՎԱՆ, 20 ապրիլի – Sputnik. Եվրասիական տնտեսական հանձնաժողովը կանխատեսում է, որ մինչև 2022 թվականի վերջ ԵԱՏՄ երկրների միջև փոխադարձ առևտրում ազգային արժույթով հաշվարկների մասնաբաժինը կավելանա մինչև 85% և բարձր։ Բելտայի փոխանցմամբ` այս մասին ճեպազրույցի ժամանակ հայտնել է ԵՏՀ–ի պաշտոնական ներկայացուցիչ Իյա Մալկինան։
«Փոխադարձ առևտրում հաշվարկներ իրականացնելիս ազգային արժույթի կիրառման ընդլայնումը միության պետությունների տնտեսությունների կայունությունը բարձրացնելուն ուղղված միջոցառումներից մեկն է», – ընդգծել է Իյա Մալկինան։
Նրա խոսքով` ներքին փոխադարձ հաշվարկներում ազգային արժույթով վճարումներն աստիճանաբար ավելանում են` 2013 թվականի 63%–ից վերջին տվյալներով հասել են 74%–ի։ Միևնույն ժամանակ դոլարի մասնաբաժինը նվազել է 2013 թվականի 30%–ից մինչև 19%` 2021 թվականի համաձայն։ Հաշվարկների մեծ մասն իրականացվում է ռուբլով։
«Գործնական մի շարք քայլեր արդեն իսկ իրականացվել են։ Օրինակ` Հայաստանը ռուսական գազի դիմաց սկսել է վճարել ռուբլով, ռուբլով նավթի ու գազի դիմաց վճարման անցնելու մասին հայտարարել է Բելառուսի վարչապետ Ռոման Գոլովչենկոն», – նշել է ԵՏՀ պաշտոնական ներկայացուցիչը։
Մալկինայի խոսքով` էներգետիկ ռեսուրսները փոխադարձ առևտրում զգալի մաս են կազմում։ Եթե հաշվարկներում ազգային արժույթի անցումը հաջողությամբ պսակվի, հանձնաժողովի գնահատականների համաձայն, դրանց մասնաբաժնի աճ կարելի է ակնկալել մինչև 85% կամ ավելի բարձր։
ԵԱՏՄ-ում պետք է պարզեցնել ազգային արժույթների հետ գործառնությունները. ԵՏՀ նախարար
Լրահոս
0