Ավարտվել է Նիկոլ Փաշինյանի պաշտոնական այցը Ռուսաստանի Դաշնություն
22:26 20.04.2022 (Թարմացված է: 23:07 20.04.2022)
Բաժանորդագրվել
Նիկոլ Փաշինյանը Նիժնի Նովգորոդ այցը եզրափակել է հայ համայնքի ներկայացուցիչների հետ հանդիպմամբ, որի ընթացքում ՀՀ կառավարության ղեկավարն անդրադարձել է ՌԴ կատարած պաշտոնական այցի արդյունքներին
ԵՐԵՎԱՆ, 20 ապրիլի - Sputnik. Վարչապետ Նիկոլ Փաշինյանը ՌԴ կատարած պաշտոնական այցի շրջանակում ժամանել է Նիժնի Նովգորոդ։ Օդանավակայանում վարչապետին դիմավորել են Նիժեգորոդյան մարզի նահանգապետ Գլեբ Նիկիտինը, Նիժեգորոդյան մարզի օրենսդիր խորհրդի նախագահ Եվգենի Լյուլինը, Նիժնի Նովգորոդի քաղաքապետ Յուրի Շալաբաևը։
Տեղեկությունը հայտնում են ՀՀ վարչապետի աշխատակազմից։
ՀՀ կառավարության ղեկավարը նախ այցելել է «Գազ» մեքենաշինական ընկերության գործարան, որտեղ ձեռնարկության նախագահ Վադիմ Սորոկինի ուղեկցությամբ շրջայց է կատարել, ծանոթացել արտադրանքին:
Վարչապետ Նիկոլ Փաշինյանը ծաղկեսպակ է դրել անմար կրակի մոտ` հարգանքի տուրք մատուցելով Հայրենական Մեծ պատերազմի զոհերի հիշատակին (20 ապրիլի, 2022թ). Նիժնի Նովգորոդ
Այնուհետև վարչապետը եղել է Նիժեգորոդյան Կրեմլում` ծաղկեսպակ դրել անմար կրակի մոտ` հարգանքի տուրք մատուցելով Հայրենական Մեծ պատերազմի զոհերի հիշատակին: Նիկոլ Փաշինյանը շրջայց է կատարել Կրեմլի արվեստի պետական թանգարանում, Զանգակատանը, Զինվորական փառքի ծառուղում և եղել Միքայել Հրեշտակապետի տաճարում:
Վարչապետն առանձնազրույց է ունեցել Նիժեգորոդյան մարզի նահանգապետ Գլեբ Նիկիտինի հետ` քննարկել տարբեր ոլորտներում համագործակցության զարգացման հնարավորությունները:
Նա եղել է նաև տեղի հայկական Սուրբ Ամենափրկիչ եկեղեցում:
Նիկոլ Փաշինյանը Նիժնի Նովգորոդ այցը եզրափակել է հայ համայնքի ներկայացուցիչների հետ հանդիպմամբ, որի ընթացքում ՀՀ կառավարության ղեկավարն անդրադարձել է ՌԴ կատարած պաշտոնական այցի արդյունքներին, պատասխանել տարբեր հարցերի:
Դրանք վերաբերել են Լեռնային Ղարաբաղի շուրջ ստեղծված իրավիճակին, Հայաստանի և Ռուսաստանի միջև տնտեսության ոլորտում համագործակցությանը, հայրենիքում ներդրումային ծրագրերի իրականացմանը և այլ թեմաների:
Վարչապետ Նիկոլ Փաշինյանը Միքայել Հրեշտակապետի տաճարում (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը այցելել է «Գազ» մեքենաշինական ընկերության գործարան (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը Կրեմլի Զանգակատանը (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը ծաղկեպսակ է դրել անմար կրակի մոտ` հարգանքի տուրք մատուցելով Հայրենական Մեծ պատերազմի զոհերի հիշատակին (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը հանդիպել է հայ համայնքի ներկայացուցիչների հետ (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը շրջում է Կրեմլի արվեստի պետական թանգարանում (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը շրջում է Կրեմլի արվեստի պետական թանգարանում (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը Միքայել Հրեշտակապետի տաճարում (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանի ու նիժնեգորոդյան մարզի նահանգապետ Գլեբ Նիկիտինը (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը Միքայել Հրեշտակապետի տաճարում (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը այցելել է «Գազ» մեքենաշինական ընկերության գործարան (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը Կրեմլի Զանգակատանը (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը ծաղկեպսակ է դրել անմար կրակի մոտ` հարգանքի տուրք մատուցելով Հայրենական Մեծ պատերազմի զոհերի հիշատակին (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը հանդիպել է հայ համայնքի ներկայացուցիչների հետ (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը շրջում է Կրեմլի արվեստի պետական թանգարանում (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը շրջում է Կրեմլի արվեստի պետական թանգարանում (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանը Միքայել Հրեշտակապետի տաճարում (20 ապրիլի, 2022թ). Նիժնի Նովգորոդ
Վարչապետ Նիկոլ Փաշինյանի ու նիժնեգորոդյան մարզի նահանգապետ Գլեբ Նիկիտինը (20 ապրիլի, 2022թ). Նիժնի Նովգորոդ
Վարչապետ Փաշինյանի երկօրյա պաշտոնական այցը Ռուսաստանի Դաշնություն ավարտվել է:
Հիշեցնենք` Նիկոլ Փաշինյանը պաշտոնական այցով ապրիլի 19-ին մեկնել է ՌԴ։ Նույն օրը նա հանդիպել է ՌԴ նախագահ Վլադիմիր Պուտինի հետ։ Հանդիպման ավարտին երկու երկրների ղեկավարները հանդես են եկել տարբեր ոլորտներում համագործակցությունը խորացնելու համատեղ հայտարարությամբ։
Ապրիլի 20-ին կայացել են ՀՀ վարչապետի հադիպումները նաև Ռուսաստանի Պետական դումայի նախագահ Վյաչեսլավ Վոլոդինի, ՌԴ Դաշնային ժողովի Դաշնության խորհրդի նախագահ Վալենտինա Մատվիենկոյի հետ: Ապա Փաշինյանը մեկնել էր Նիժնի Նովգորոդ։
