Բադասյանը ԵՏՀ նախարարի հետ քննարկել է երկկողմ փոխգործակցությանը վերաբերող հարցեր
12:14 21.04.2022 (Թարմացված է: 13:45 21.04.2022)
© Toros Der Artinian / State Revenue Committee of RA
Բաժանորդագրվել
ԵՏՀ մաքսային համագործակցության հարցերի նախարարը այցի շրջանակում պատրաստվում է լինել նաև ՀՀ սահմանային անցակետերում։
ԵՐԵՎԱՆ, 21 ապրիլի – Sputnik. ՀՀ պետական եկամուտների կոմիտեի նախագահ Ռուստամ Բադասյանը Հայաստանում գտնվող Եվրասիական տնտեսական հանձնաժողովի մաքսային համագործակցության հարցերով Կոլեգիայի անդամ (նախարար) Մակսատ Մամիտկանովի և նրա գլխավորած պատվիրակության հետ քննարկել է ՀՀ և ԵՏՀ միջև ակտիվ փոխգործակցությանը վերաբերող հարցերը։
Տեղեկությունը հայտնում է ՀՀ ՊԵԿ մամուլի ծառայությունը։
ՊԵԿ նախագահ Ռուստամ Բադասյանն ընդունել է ԵՏՄ մաքսային համագործակցության հարցերով Կոլեգիայի անդամ (նախարար) Մակսատ Մամիտկանովի գլխավորած պատվիրակությանը (21 ապրիլի, 2022թ). Երևան
© Toros Der Artinian / State Revenue Committee of RA
Մակսատ Մամիտկանովը Հայաստանում է 2-օրյա աշխատանքային այցով։
Կողմերը պատրաստակամություն են հայտնել շարունակել և զարգացնել համագործակցության առկա մակարդակը՝ ԵԱՏՄ շրջանակում գոյություն ունեցող բոլոր ուղղություններով։
ՊԵԿ նախագահ Ռուստամ Բադասյանն ընդունել է ԵՏՄ մաքսային համագործակցության հարցերով Կոլեգիայի անդամ (նախարար) Մակսատ Մամիտկանովի գլխավորած պատվիրակությանը (21 ապրիլի, 2022թ). Երևան
© Toros Der Artinian / State Revenue Committee of RA
«Հանդիպման ընթացքում խոսվել է նաև Եվրասիական տնտեսական միության շրջանակներում նախատեսված մի շարք նախաձեռնությունների իրականացմանն ուղղված քայլերի մասին»,– նշված է հաղորդագրությունում։
ԵՏՀ մաքսային համագործակցության հարցերով նախարարը կայցելի ՀՀ սահմանային անցակետեր:
