Թուրքիայում կրկին պայթյուն է տեղի ունեցել ինքնաշեն սարքի միջոցով

© AFP 2022 / EMRE TAZEGULԹուրքիա. արխիվային լուսանկար
Թուրքիա. արխիվային լուսանկար - Sputnik Արմենիա, 1920, 21.04.2022
Բաժանորդագրվեք
Yandex newsTelegram
Ստամբուլի թաղամասերից մեկի տեսախցիկներում երևում է՝ ինչպես է մի կին առավոտյան մոտենում ու պայթուցիկ սարք տեղադրում։
ԵՐԵՎԱՆ, 21 ապրիլի – Sputnik. Ստամբուլի Ղազիօսմանփաշա թաղամասում, «Թուրքիայի երիտասարդական ֆոնդի» շենքի մոտ առավոտյան 5։30-ին պայթյուն է եղել։ Դեպքի վայրում հայտնաբերվել են ինքնաշեն պայթուցիկ սարքի մնացորդներ։ Զոհեր կամ վիրավորներ չկան։ Այս մասին հայտնել են Ստամբուլի նահանգապետարանից, փոխանցում է թուրքական Star թերթը։

Թերթի տվյալներով` շենքում տեղադրված անվտանգության տեսախցիկները ֆիքսել են՝ ինչպես է առավոտյան մի կին մոտեցել ֆոնդի շենքին ու տեղադրել պայթուցիկը։ Հարուցվել է քրգործ, ոստիկանությունը փնտրում է կասկածյալին։

Հիշեցնենք, որ երեկ էլ Ստամբուլից հարավ՝ Բուրսայում էր առավոտյան ինքնաշեն պայթուցիկ սարքով պայթյուն կազմակերպվել։ Այդ անգամ պայթեցվել էր տեղի քննչական մեկուսարանի աշխատողներին տանող ավտոբուսը։ Պայթյունի հետևանքով զոհ ու վիրավորներ կային։ Պայթյունը որակվել է որպես ահաբեկչություն։
Լրահոս
0