https://arm.sputniknews.ru/20220424/kievy-hiastapvats-e-irenc-em-andamakcutjan-masin-avstriaji-artgvortsnakharari-khvosqeric-41261151.html
Կիևը հիասթափված է ԵՄ անդամակցության մասին Ավստրիայի արտգործնախարարի խոսքերից
Կիևը հիասթափված է ԵՄ անդամակցության մասին Ավստրիայի արտգործնախարարի խոսքերից
Sputnik Արմենիա
Կիևը համարում է, որ Ավստրիայի արտգործնախարարի հայտարարությունները ռազմավարական առումով անհեռատես են և միացյալ Եվրոպայի շահերին չհամապատասխանող։ 24.04.2022, Sputnik Արմենիա
2022-04-24T19:08+0400
2022-04-24T19:08+0400
2022-04-24T19:08+0400
ուկրաինա
եվրամիություն
ավստրիա
https://cdn.am.sputniknews.ru/img/07e5/04/1b/27334439_0:160:3073:1888_1920x0_80_0_0_dfdc6702e88162d67c22e5bb9da2e029.jpg
ԵՐԵՎԱՆ, 24 ապրիլի – Sputnik. Ուկրաինայի ԱԳՆ–ում հիասթափված են Ավստրիայի արտգործնախարար Ալեքսանդր Շալենբերգի այն հայտարարություններից, որ Կիևին ու Բրյուսելին համագործակցության նոր մոդել է անհրաժեշտ, որը ԵՄ–ին Ուկրաինայի լիիրավ անդամակցություն չի ենթադրի։«Հիասթափված ենք Ավստրիայի արտգործնախարարի` Ուկրաինայի եվրոպական ապագայի մասին արտահայտություններից։ Դրանք ռազմավարական առումով անհեռատես և միացյալ Եվրոպայի շահերին չհամապատասխանող ենք համարում», – հայտարարել է Ուկրաինայի ԱԳՆ մամուլի քարտուղար Օլեգ Նիկոլենկոն, գրված է գերատեսչության կայքում։Ինչպես նշել է Նիկոլենկոն, նման հայտարարությունները անտեսում են այն փաստը, որ «ԵՄ հիմնադիր երկրների բնակչության մեծամասնությունն աջակցում է Ուկրաինայի անդամակցությանը»։Նա հիշեցրել է Ուկրաինայի արտգործնախարար Դմիտրի Կուլեբայի խոսքերը, որը հայտարարել էր, որ ուկրաինացի ժողովուրդը բավական բարձր գին է վճարում եվրոպական մի շարք կառավարությունների սխալների համար։Նիկոլենկոյի կարծիքով` Ուկրաինան բոլոր հիմքերն ունի ԵՄ–ից իր արժանիքների և ռազմավարական դերի օբյեկտիվ ճանաչում պահանջելու համար։«Շնորհիվ Ուկրաինայի նախագահի և ուկրաինացի ժողովրդի անկոտրում կամքի ու համարձակության Եվրոպան կարող է խաղաղ ապրել այսօր։ Առանց չափազանցության, մեր պետությունը ԵՄ անվտանգության, եվրոպական ազատության և եվրոպական արժեքների պաշտպանության ֆորպոստ է դարձել», – հավելել է մամուլի քարտուղարը։Հիշեցնենք, որ Ուկրաինայի նախագահ Վլադիմիր Զելենսկին փետրվարի 28-ին հայտ ստորագրեց ԵՄ–ին Ուկրաինայի անդամակցության վերաբերյալ։ Հաջորդ օրը Եվրախորհրդարանը աջակցեց Ուկրաինային անդամ–երկրի կարգավիճակ շնորհելու բանաձևին։ Ավելի վաղ ԵՄ մշտական ներկայացուցիչները պայմանավորվածություն էին ձեռք բերել ԵՀ–ին հանձնարարել գնահատել ԵՄ–ին անդամակցելու վերաբերյալ Ուկրաինայի, Վրաստանի և Մոլդովայի հայտերը։Չավուշօղլուն ասել է, որ Ռուսաստանն ու Ուկրաինան համատեղ հռչակագրի նախագիծ ունեն
ուկրաինա
ավստրիա
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ուկրաինա, եվրամիություն, ավստրիա
ուկրաինա, եվրամիություն, ավստրիա
Կիևը հիասթափված է ԵՄ անդամակցության մասին Ավստրիայի արտգործնախարարի խոսքերից
Կիևը համարում է, որ Ավստրիայի արտգործնախարարի հայտարարությունները ռազմավարական առումով անհեռատես են և միացյալ Եվրոպայի շահերին չհամապատասխանող։
ԵՐԵՎԱՆ, 24 ապրիլի – Sputnik. Ուկրաինայի ԱԳՆ–ում հիասթափված են Ավստրիայի արտգործնախարար Ալեքսանդր Շալենբերգի այն
հայտարարություններից, որ Կիևին ու Բրյուսելին համագործակցության նոր մոդել է անհրաժեշտ, որը ԵՄ–ին Ուկրաինայի լիիրավ անդամակցություն չի ենթադրի։
«Հիասթափված ենք Ավստրիայի արտգործնախարարի` Ուկրաինայի եվրոպական ապագայի մասին արտահայտություններից։ Դրանք ռազմավարական առումով անհեռատես և միացյալ Եվրոպայի շահերին չհամապատասխանող ենք համարում», – հայտարարել է Ուկրաինայի ԱԳՆ մամուլի քարտուղար Օլեգ Նիկոլենկոն, գրված է գերատեսչության կայքում։
Ինչպես նշել է Նիկոլենկոն, նման հայտարարությունները անտեսում են այն փաստը, որ «ԵՄ հիմնադիր երկրների բնակչության մեծամասնությունն աջակցում է Ուկրաինայի անդամակցությանը»։
Նա հիշեցրել է Ուկրաինայի արտգործնախարար Դմիտրի Կուլեբայի խոսքերը, որը հայտարարել էր, որ ուկրաինացի ժողովուրդը բավական բարձր գին է վճարում եվրոպական մի շարք կառավարությունների սխալների համար։
«Իրականության նրանց ոչ օբյեկտիվ ընկալումն արդեն հանգեցրել է Եվրոպայի քաղաքական ու տնտեսական թուլացմանը, թույլ է տվել Ռուսաստանին խաթարել կայունությունը ԵՄ–ում և հիբրիդային ագրեսիա իրականացնել եվրոպական երկրների դեմ։ Կարծես ներկայիս պատերազմը, զոհերն ու ավերումները քիչ են նրանց համար», – հայտարարել է Ուկրաինայի ԱԳՆ մամուլի քարտուղարը։
Նիկոլենկոյի կարծիքով` Ուկրաինան բոլոր հիմքերն ունի ԵՄ–ից իր արժանիքների և ռազմավարական դերի օբյեկտիվ ճանաչում պահանջելու համար։
«Շնորհիվ Ուկրաինայի նախագահի և ուկրաինացի ժողովրդի անկոտրում կամքի ու համարձակության Եվրոպան կարող է խաղաղ ապրել այսօր։ Առանց չափազանցության, մեր պետությունը ԵՄ անվտանգության, եվրոպական ազատության և եվրոպական արժեքների պաշտպանության ֆորպոստ է դարձել», – հավելել է մամուլի քարտուղարը։
Հիշեցնենք, որ Ուկրաինայի նախագահ Վլադիմիր Զելենսկին փետրվարի 28-ին հայտ ստորագրեց ԵՄ–ին Ուկրաինայի անդամակցության վերաբերյալ։ Հաջորդ օրը Եվրախորհրդարանը աջակցեց Ուկրաինային անդամ–երկրի կարգավիճակ շնորհելու բանաձևին։ Ավելի վաղ ԵՄ մշտական ներկայացուցիչները պայմանավորվածություն էին ձեռք բերել ԵՀ–ին հանձնարարել գնահատել ԵՄ–ին անդամակցելու վերաբերյալ Ուկրաինայի, Վրաստանի և Մոլդովայի հայտերը։
