Իջևանից մեկնարկեց «Հայաստան» դաշինքի անդամների ու այլ քաղաքացիների երթը դեպի Երևան

© Sputnik / Aram NersesyanԻջևան
Իջևան - Sputnik Արմենիա, 1920, 25.04.2022
Բաժանորդագրվեք
Yandex newsTelegram
Ընդդիմությունն ավելի վաղ հայտնել էր, որ առաջիկայում նման երթեր կմեկնարկեն Հայաստանի այլ մարզերից ևս։
ԵՐԵՎԱՆ, 25 ապրիլի – Sputnik. «Հայաստան» դաշինքի անդամներն ու նրանց միացած քաղաքացիներն Իջևանից տվեցին դեպի Երևան երթի մեկնարկը։
Ընդդիմությունն ավելի վաղ հայտնել էր, որ առաջիկայում նման երթեր կմեկնարկեն Հայաստանի այլ մարզերից ևս։ Մայրաքաղաքում նույնպես ամենօրյա իրազեկման երթեր կիրականացվեն։
«Երկիր»-ի հետ զրույցում ՀՀ ԱԺ «Հայաստան» խմբակցության պատգամավոր Գեղամ Նազարյանը ցույց տվեց մոտակա տարածքը և նշեց, որ ներկայիս վարչախմբի ղեկավարը երազում է այն հանձնել Ադրբեջանին։
«Չգտես ինչու, նրա (ՀՀ վարչապետ Նիկոլ Փաշինյանի - խմբ.) մոտ այդպիսի սևեռուն միտք է առաջացել, որ այդ տարածքը պետք է հանձնի Ադրբեջանին։ Այս տարածքը Ադրբեջանին հանձնելուց հետո, եթե այդ երազանքը կատարվի, ես վստահ եմ, որ դա չի կատարվելու, մենք կտրվելու ենք և լավագույն դեպքում թույլտվություն ենք ստանալու գնալ Նոյեմբերյան և Շամշադին բացառապես ադրբեջանցի զինվորի բարի կամքի դեպքում»,- ասաց Նազարյանը։
Նա ընդգծեց, որ հենց դրա համար են երթը սկսում այդտեղից, որպեսզի հանրության ուշադրությունը մեկ անգամ ևս սևեռեն, որ մեկ անգամ ևս շեշտեն Տավուշ աշխարհի և այդ վայրի նշանակությունը։
«Հայաստան» խմբակցության պատգամավոր Ասպրամ Կրպեյանն էլ հայտնեց, որ իրենք սկսում են դեպի «հավերժական Հայաստան տանող երթը»։ «Չկա Հայաստան առանց Արցախ և չկա Արցախ առանց Հայաստան, ինչպես չկա Հայաստան առանց Տավուշ և չկա Տավուշ առանց Հայաստան։ Մեր հայրենիքի բոլոր հատվածները մեզ համար սրբազան են, և յուրաքանչյուր հայ մարդ պետք է պատրաստ լինի ամենանվիրական զոհողությանը»,- ասաց Կրպեյանը։
Հավելենք, որ երթի մասնակիցները 7 օրում քայլելու են 150 կմ։
Լրահոս
0