ՌԴ-ն աջակցում է ՀՀ-ի և Ադրբեջանի միջև խաղաղության պայմանագրի համաձայնեցման հարցում. ԱԳՆ

© Sputnik / Алексей Куденко / Անցնել ֆոտոբանկՌԴ ԱԳՆ շենքը
ՌԴ ԱԳՆ շենքը - Sputnik Արմենիա, 1920, 25.04.2022
Բաժանորդագրվեք
Yandex newsTelegram
Հիմնական խնդիրներից մեկը հետագա սահմանագծմամբ հայ–ադրբեջանական սահմանի սահմանազատման գործընթացի մեկնարկն է, ինչպես նաև տարածաշրջանում տնտեսական և տրանսպորտային կապերի ապաշրջափակումը։
ԵՐԵՎԱՆ, 25 ապրիլի – Sputnik. Մոսկվան աջակցում է Երևանի և Բաքվի միջև խաղաղության պայմանագրի համաձայնեցմանը, ՌԻԱ Նովոստիին տված հարցազրույցում հայտարարել է ՌԴ ԱԳՆ–ի ԱՊՀ երկրների չորրորդ դեպարտամենտի տնօրեն Դենիս Գոնչարը։
«Աջակցում ենք Ադրբեջանի և Հայաստանի միջև խաղաղության պայմանագրի համաձայնեցմանը։ Ռուսական կողմը տրամադրված է հետագայում ևս ամեն կերպ օգնել Երևանին և Բաքվին շփման եզրեր գտնելու հարցում, ստեղծել վստահության և փոխըմբռնման մթնոլորտ։ Միևնույն ժամանակ մենք ողջունում ենք երրորդ երկրների նախաձեռնությունները, որոնք կարող են լրացնել մեր եռակողմ ջանքերը, այլ ոչ թե հիմնված են աշխարհաքաղաքական խաղերի տրամաբանության վրա», – հայտարարել է Գոնչարը։
Նա նշել է, որ Ռուսաստանի, Ադրբեջանի և Հայաստանի առաջնորդների եռակողմ պայմանավորվածությունների իրագործման շրջանակում մի շարք խնդիրներ են լուծվում, այդ թվում` հայ–ադրբեջանական սահմանի սահմանազատման և հետագա սահմանագծման գործընթացի մեկնարկը, ինչպես նաև տարածաշրջանում տնտեսական և տրանսպորտային կապերի ապաշրջափակումը։
«Մասնավորապես մենք պատրաստ ենք սահմանազատման հարցերով երկկողմ հանձնաժողովին խորհրդատվական աջակցություն ցուցաբերել, տրամադրել անհրաժեշտ քարտեզագրական նյութեր։ Ռուսաստանի, Ադրբեջանի և Հայաստանի փոխվարչապետների համատեղ նախագահությամբ եռակողմ աշխատանքային խմբի շրջանակում փորձում ենք հասնել տրանսպորտային ենթակառուցվածքների վերականգնման և զարգացման կոնկրետ նախագծերի արագ համաձայնեցմանը», – հայտարարել է Գոնչարը։
Նա նշել է նաև Ուկրաինայի հարցով Երևանի և Բաքվի հավասարակշռված դիրքորոշումը։ Գոնչարի խոսքով` նույնիսկ արտաքին աննախադեպ ճնշման և հակառուսական արշավի պայմաններում գործընկերներն իրենց քաղաքականությունը կառուցում են` հիմնվելով ազգային շահերի վրա։
Լրահոս
0