https://arm.sputniknews.ru/20220425/turqiajum-arajarkel-en-hhturqia-sahmanajin-ancaketn-anvanakvochel-taleat-pashaji-anunvov-41303799.html
Թուրքիայում առաջարկել են ՀՀ-Թուրքիա սահմանային անցակետն անվանակոչել Թալեաթ փաշայի անունով
Թուրքիայում առաջարկել են ՀՀ-Թուրքիա սահմանային անցակետն անվանակոչել Թալեաթ փաշայի անունով
Sputnik Արմենիա
Առաջարկը եղել է քեմալիստական կուսակցությունից, այժմ թեման ակտիվ քննարկվում է սոցցանցերում։ 25.04.2022, Sputnik Արմենիա
2022-04-25T19:53+0400
2022-04-25T19:53+0400
2022-04-25T20:17+0400
մևլութ չավուշօղլու
թուրքիա
հայաստան
սահման
https://cdn.am.sputniknews.ru/img/07e4/0c/01/25577734_0:165:1600:1065_1920x0_80_0_0_d7c66baf42bd8508ab2ea073db8e8fd7.jpg
ԵՐԵՎԱՆ, 25 ապրիլի – Sputnik. Թուրքիայում քեմալիստական ընդդիմադիր նորաբաց «Հաղթանակ» կուսակցությունը (Zafer Partisi) մեջլիսին նախագիծ է առաջարկել Կարսի նահանգում ՀՀ-Թուրքիա սահմանային անցակետի անունը Հայոց ցեղասպանության կազմակերպիչներից մեկի` Թալեաթ փաշայի անունով կոչելու մասին։ Այս մասին տեղեկանում ենք թուրքական ընդդիմադիր Cumhuriyet թերթից։Այս առաջարկից հետո Թվիթերի թուրքական տիրույթում արշավ է սկսվել, ակտիվ տարածվում է «Թալեաթ փաշա սահմանային անցակետ» հեշթեգը, որն այս պահին Թուրքիայի տարածքում թրենդային հեշթեգերի առաջին եռյակում է։Մեջլիսում նորաբաց քեմալիստական կուսակցության միակ ներկայացուցիչ և կուսակցության ղեկավար Ումիթ Օզդաղը նախագիծն առաջարկել է այն բանից հետո, երբ երկրի ԱԳ նախարար Մևլութ Չավուշօղլուն Ուրուգվայում հայերին ազգայնամոլական «գորշ գայլերի» նշանն է ցույց տվել։Հիմա հայ-թուրքական սահմանին թուրքական անցակետը կոչվում է «Աքքայա» (թրգմ․՝ «Սպիտակ ժայռ»), Կարսի նահանգի նույնանուն շրջանի անունով։ Անցակետը Թուրքիան փակել է 1993թ-ից։ Դրա դիմաց հայկական կողմից «Ախուրյանի» սահմանային անցակետն է։ Թվիթերում տարածվում է նաև անցակետի վրա համակարգչով «խմբագրված» անունով լուսանկարը։Հիշեցնենք, որ Թալեաթը Հայոց ցեղասպանությունը կազմակերպած երիտթուրքական «Միություն և առաջադիմություն» կուսակցության պարագլուխներից էր։ 1913-1918 թվականներին նա զբաղեցրել է Օսմանյան Թուրքիայի ներքին գործերի նախարարի պաշտոնը։ 1921 թվականի մարտի 15-ին սպանվել է Սողոմոն Թեհլերյանի կողմից։Հավելենք` Թուրքիայի ԱԳ նախարար Մևլութ Չավուշօղլուն Ուրուգվայում ծաղրել է Հայոց ցեղասպանության 107-րդ տարելիցին նվիրված ակցիայի հայազգի մասնակիցներին, որոնք իրենց բողոքն էին արտահայտում Թուրքիայի ժխտողական քաղաքականության ու թուրք նախարարի այցի դեմ։Նա ավտոմեքենայի պատուհանից ցույց է տվել թուրքական ազգայնական «Գորշ գայլեր» կազմակերպությունը խորհրդանշող ժեստը, իսկ նրանք, ովքեր փողոցում հավաքված էին արտգործնախարարին ողջունելու համար, նրա ժեստին ի պատասխան ծափահարել են։Դրանից հետո Ուրուգվայի նախագահ Լուիս Լակայե Պոուն, ինչպես նաև Ուրուգվայի արտաքին գործերի նախարար Ֆրանսիսկո Բուստիժո Բոնասսոն դատապարտել են Թուրքիայի արտգործնախարարի պահվածքը։
թուրքիա
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
մևլութ չավուշօղլու, թուրքիա, հայաստան, սահման
մևլութ չավուշօղլու, թուրքիա, հայաստան, սահման
Թուրքիայում առաջարկել են ՀՀ-Թուրքիա սահմանային անցակետն անվանակոչել Թալեաթ փաշայի անունով
19:53 25.04.2022 (Թարմացված է: 20:17 25.04.2022) Առաջարկը եղել է քեմալիստական կուսակցությունից, այժմ թեման ակտիվ քննարկվում է սոցցանցերում։
ԵՐԵՎԱՆ, 25 ապրիլի – Sputnik. Թուրքիայում քեմալիստական ընդդիմադիր նորաբաց «Հաղթանակ» կուսակցությունը (Zafer Partisi) մեջլիսին նախագիծ է առաջարկել Կարսի նահանգում ՀՀ-Թուրքիա սահմանային անցակետի անունը Հայոց ցեղասպանության կազմակերպիչներից մեկի` Թալեաթ փաշայի անունով կոչելու մասին։ Այս մասին տեղեկանում ենք թուրքական ընդդիմադիր
Cumhuriyet թերթից։
Այս առաջարկից հետո Թվիթերի թուրքական տիրույթում արշավ է սկսվել, ակտիվ տարածվում է «Թալեաթ փաշա սահմանային անցակետ» հեշթեգը, որն այս պահին Թուրքիայի տարածքում թրենդային հեշթեգերի առաջին եռյակում է։
Մեջլիսում նորաբաց քեմալիստական կուսակցության միակ ներկայացուցիչ և կուսակցության ղեկավար Ումիթ Օզդաղը նախագիծն առաջարկել է այն բանից հետո, երբ երկրի ԱԳ նախարար Մևլութ Չավուշօղլուն Ուրուգվայում հայերին ազգայնամոլական «գորշ գայլերի» նշանն է ցույց տվել։
«Եթե ձեր արձագանքն անկեղծ է, ապա սպասում ենք մեր կուսակցության՝ սահմանային անցակետի անունը փոխելու մասին առաջարկին ձեր աջակցությանը։ Այժմ դուք առերեսվում եք «անկեղծության թեստի» հետ։ Եթե չաջակցեք դրան, թուրք հասարակությունը կհիշի ձեր այդ պահվածքը, եթե աջակցեք, մենք կծափահարենք ձեզ»,- հայտարարել է թուրք պատգամավորը։
Հիմա հայ-թուրքական սահմանին թուրքական անցակետը կոչվում է «Աքքայա» (թրգմ․՝ «Սպիտակ ժայռ»), Կարսի նահանգի նույնանուն շրջանի անունով։ Անցակետը Թուրքիան փակել է 1993թ-ից։ Դրա դիմաց հայկական կողմից «Ախուրյանի» սահմանային անցակետն է։ Թվիթերում տարածվում է նաև անցակետի վրա համակարգչով «խմբագրված» անունով լուսանկարը։
Հիշեցնենք, որ Թալեաթը Հայոց ցեղասպանությունը կազմակերպած երիտթուրքական «Միություն և առաջադիմություն» կուսակցության պարագլուխներից էր։ 1913-1918 թվականներին նա զբաղեցրել է Օսմանյան Թուրքիայի ներքին գործերի նախարարի պաշտոնը։ 1921 թվականի մարտի 15-ին սպանվել է Սողոմոն Թեհլերյանի կողմից։
Հավելենք` Թուրքիայի ԱԳ նախարար
Մևլութ Չավուշօղլուն Ուրուգվայում ծաղրել է Հայոց ցեղասպանության 107-րդ տարելիցին նվիրված ակցիայի հայազգի մասնակիցներին, որոնք իրենց բողոքն էին արտահայտում Թուրքիայի ժխտողական քաղաքականության ու թուրք նախարարի այցի դեմ։
Նա ավտոմեքենայի պատուհանից ցույց է տվել թուրքական ազգայնական «Գորշ գայլեր» կազմակերպությունը խորհրդանշող ժեստը, իսկ նրանք, ովքեր փողոցում հավաքված էին արտգործնախարարին ողջունելու համար, նրա ժեստին ի պատասխան ծափահարել են։
Դրանից հետո Ուրուգվայի նախագահ Լուիս Լակայե Պոուն, ինչպես նաև Ուրուգվայի արտաքին գործերի նախարար Ֆրանսիսկո Բուստիժո Բոնասսոն
դատապարտել են Թուրքիայի արտգործնախարարի պահվածքը։
