Զոհվածների ծնողները և հարազատները երթով հասան կառավարության շենք

© Sputnik / Aram NersesyanԱրցախյան պատերազմում զոհված զինծառայողների ծնողները շարժվում են դեպի Գլխավոր դատախազություն (26 ապրիլի, 2022թ). Երևան
Արցախյան պատերազմում զոհված զինծառայողների ծնողները շարժվում են դեպի Գլխավոր դատախազություն (26 ապրիլի, 2022թ). Երևան - Sputnik Արմենիա, 1920, 26.04.2022
Բաժանորդագրվեք
Yandex newsTelegram
Վարչապետի հայտարարությունից հետո 44-օրյա պատերազմում զոհված մի շարք զինծառայողների ծնողներ ապրիլի 18-ին դիմել են ՀՀ գլխավոր դատախազություն
ԵՐԵՎԱՆ, 26 ապրիլի – Sputnik. Զոհված զինվորների ծնողներն ու հարազատները, ինչպես նաև նրանց աջակցող քաղաքացիները, Ազատության հրապարակից երթով հասել են կառավարության շենքի մոտ՝ ամոթանք տալու վարչապետին։
Ակցիայի մասնակիցները զոհվածների լուսանկարներով շապիկներ են հագել, շատերն իրենց հետ բերել են հերոսների լուսանկարները։
Նրանց բարկացրել է վարչապետ Նիկոլ Փաշինյանի այն հայտարարությունը, թե տարածքները հանձնելով կարող էր հազարավոր կյանքեր փրկել, սակայն հրաժարվել է դա անել՝ մեղավոր է դարձել հազարավոր մարդկանց զոհվելու համար։
«Նիկո՛լ, մարդասպա՛ն»,- կառավարության շենքի մոտ վանկարկել են ծնողները։
Նշենք, որ վարչապետի հայտարարությունից հետո 44-օրյա պատերազմում զոհված մի շարք զինծառայողների ծնողներ ապրիլի 18-ին դիմել են ՀՀ գլխավոր դատախազություն՝ պահանջելով քրեական գործ հարուցել և քննել Փաշինյանի հայտարարությունները:
Գլխավոր դատախազությունը ծնողների դիմումն ուղարկել է հակակոռուպցիոն կոմիտե՝ պատերազմի ընթացքում հնարավոր հանցագործությունների գործի հետ միավորվելու համար։
Լրահոս
0