«Ես կարող եմ հարություն առնել». Մխիթարյանի գործակալը հերքել է իր մահվան մասին լուրը

© Sputnik / Asatur YesayantsՖուտբոլային խաղադաշտ
Ֆուտբոլային խաղադաշտ - Sputnik Արմենիա, 1920, 28.04.2022
Բաժանորդագրվեք
Yandex newsTelegram
Հունվարին լրատվամիջոցները գրել էին, որ Մինո Ռայոլան վերակենդանացման բաժանմունքում է հայտնվել։
ԵՐԵՎԱՆ, 28 ապրիլի - Sputnik. Հայտնի ֆուտբոլային գործակալ Մինո Ռայոլան հերքել է իր մահվան մասին լուրերը։ Այս մասին նա գրել է Twitter-ի իր միկրոբլոգում:
«Ընթացիկ առողջական վիճակս հետաքրքրվողների համար. կատաղած եմ, որ նրանք ինձ չորս ամսվա ընթացքում արդեն երկրորդ անգամ սպանում են։ Կարծես թե ես ի վիճակի եմ հարություն առնել»,-ասվում է գործակալի թվիթերյան օգտահաշվում տարածված հաղորդագրության մեջ։
Ավելի վաղ համաշխարհային ԶԼՄ-ները հայտնել էին, որ ֆուտբոլային գործակալ Մինո Ռայոլան մահացել է 54 տարեկան հասակում:
Հունվարին լրատվամիջոցները հայտնել էին, որ Ռայոլան վերակենդանացման բաժանմունքում է։ Պարբերականի տեղեկություններով՝ նա թոքերի հետ կապված խնդիրներ ուներ և բժիշկների հսկողության տակ էր գտնվում Միլանի «Սան Ռաֆաելե» հիվանդանոցում:
Հունվարի 12-ին Corriere dello Sport պարբերականը հայտնել էր, որ Ռայոլային շտապ վիրահատել են «Սան Ռաֆաելե»-ում, ավելի ուշ գործակալի մամուլի ծառայությունից հայտնել էին, որ նա սովորական բժշկական հետազոտություն է անցել։
Լրահոս
0