https://arm.sputniknews.ru/20220429/sona-mnacakanjani-mahvan-pattshar-dardzats-vraerti-heghinakn-azat-e-ardzakvel-41508660.html

Սոնա Մնացականյանի մահվան պատճառ դարձած վրաերթի հեղինակն ազատ է արձակվել

Սոնա Մնացականյանի մահվան պատճառ դարձած վրաերթի հեղինակն ազատ է արձակվել

Sputnik Արմենիա

Վարորդը դեպքից հետո թողել է պատահարի վայրը և հեռացել, սակայն ժամը 20:05-ին վերադարձել է և մասնակցել կատարվող քննչական գործողություններին: 29.04.2022, Sputnik Արմենիա

2022-04-29T22:25+0400

2022-04-29T22:25+0400

2022-04-29T22:36+0400

վրաերթ

ոստիկան

https://cdn.am.sputniknews.ru/img/07e6/04/1b/41367644_0:177:1280:897_1920x0_80_0_0_ff583dd975bc4ce64062eac43fda9980.jpg

ԵՐԵՎԱՆ, 29 ապրիլի - Sputnik. Ապրիլի 26-ին Երևանի Պարոնյան-Լեո փողոցների խաչմերուկում Արարատի մարզի բնակչուհի, 29-ամյա Սոնա Մնացականյանին (հղի) մահվան ելքով վրաերթի ենթարկած, Արարատի մարզի բնակիչ, 51-ամյա Արամ Նավասարդյանի խափանման միջոց է ընտրվել ստորագրություն բնակության վայրից չհեռանալը: Տեղեկությունը հայտնում է Shamshyan.com-ը։Հիշեցնենք` ապրիլի 26-ին` ժամը 18:05-ի սահմաններում, Երևանի Լեո-Պարոնյան փողոցների խաչմերուկի մոտ ոստիկանության ՃՈ ծառայության ուղեկցող սպայական վաշտի հրամանատարը «Տոյոտա Պրադո» մեքենայով վրաերթի է ենթարկել հղի կնոջ։ Նա տեղափոխվել էր «Նաիրի» բժշկական կենտրոն, որտեղ, գիտակցության չգալով, մահացել է։Վարորդը դեպքից հետո թողել է պատահարի վայրը և հեռացել, սակայն ժամը 20:05-ին վերադարձել է և մասնակցել կատարվող քննչական գործողություններին:Ավելի ուշ հայտնի դարձավ, որ վրաերթի ենթարկվածը Սոնա Մնացականյանն է, որն աշխատում էր «Support Our Heroes-Armenia» («Աջակցենք մեր հերոսներին-Հայաստան») կազմակերպությունում:Դեպքի առթիվ քրեական գործ է հարուցվել ՀՀ քրեական օրենսգրքի 242-րդ հոդվածի 2-րդ մասով (ճանապարհային երթևեկության և տրանսպորտային միջոցների շահագործման կանոնները խախտելը) և 244-րդ հոդվածի 1-ին մասով (ճանապարհատրանսպորտային պատահարի վայրը թողնելը)։Մահվան ելքով վրաերթի գործով ոստիկանության «Ճանապարհային ոստիկանություն» ծառայության ուղեկցող սպայական վաշտի հրամանատարը ձերբակալվել էր։

2022

Լուրեր

am_HY

վրաերթ, ոստիկան