«Ազովստալի» հարևանությամբ գտնվող տներից 46 խաղաղ բնակիչ է դուրս եկել․ ՌԴ ՊՆ

Բաժանորդագրվեք
Yandex newsTelegram
Քաղաքացիական անձանց երկու խումբ լքել է «Ազովստալ» գործարանի հարակից տարածքը։
Մարիուպոլի «Ազովստալ» կոմբինատի (որտեղ շրջափակված են ուկրաինացի գրոհայինները) հարևանությամբ գտնվող տներից ապրիլի 30-ին 46 խաղաղ բնակիչ է դուրս եկել: Տեղեկությունը հայտնում է Ռուսաստանի պաշտպանության նախարարությունը։
Գերատեսչության տվյալներով՝ ապրիլի 30-ին լռության ռեժիմի հաստատման ու հումանիտար միջանցքի բացման արդյունքում «Ազովստալ» մետալուրգիական կոմբինատի տարածքի մերձակա բնակելի տներից քաղաքացիական անձանց երկու խումբ է դուրս եկել:
«Ցերեկը տեղի 25 բնակիչ է դուրս եկել։ Մութն ընկնելուց հետո՝ օգտվելով լռության ռեժիմից, դուրս է եկել 21 հոգուց բաղկացած երկրորդ խումբը, նրանք տեղափոխվել են Բեզիմյաննոյե բնակավայր»,- ասել են պաշտպանական գերատեսչությունում:
Նշվում է, որ բոլոր քաղաքացիական անձանց տրամադրվել է գիշերակացի վայր, սնունդ, անհրաժեշտ բժշկական օգնություն է առաջարկվել:
Լրահոս
0