«FlyOne Armenia»-ն Երևան - Թբիլիսի - Երևան երթուղով թռիչքներ է իրականացնում

© Sputnik / Aram NersesyanFlyOne Armenia ընկերության օդանավը Ստամբուլ թռիչքից առաջ (2 փետրվարի, 2022թ). Երևան
FlyOne Armenia ընկերության օդանավը Ստամբուլ թռիչքից առաջ (2 փետրվարի, 2022թ). Երևան - Sputnik Արմենիա, 1920, 02.05.2022
Բաժանորդագրվեք
Yandex newsTelegram
ԵՐԵՎԱՆ, 2 մայիսի - Sputnik. «FlyOne Armenia» ավիաընկերությունը Երևան - Թբիլիսի - Երևան երթուղով կանոնավոր ուղիղ չվերթներ է սկսել։ Ինչպես հայտնում են ավիաընկերության մամուլի ծառայությունից թռիչքները մեկնարկել են մայիսի 1-ից:
«Երևան - Թբիլիսի - Երևան երթուղով չվերթները կիրականցվեն «Զվարթնոց» միջազգային օդանավակայանից դեպի Թբիլիսիի Շոթա Ռուսթավելիի անվան միջազգային օդանավակայան»,–ասված է հաղորդագրության մեջ։
Տեղեկացվում է, որ թռիչքները կիրականացվեն շաբաթական 4 չվերթ հաճախականությամբ՝ երկուշաբթի, չորեքշաբթի, ուրբաթ և կիրակի օրերին։ Հունիս ամսից նախատեսվում է ավելացնել չվերթների քանակը:
«FlyOne Armenia»-ի բոլոր տոմսերը և հավելյալ ծառայությունները հնարավոր է ձեռք բերել www.flyone.am կայքում:
«FlyOne Armenia»-ն (www.flyone.am) հիմնադրվել է 2021 թ.։ Հոկտեմբերի 27-ին ՀՀ Քաղաքացիական ավիացիայի կոմիտեն FLYONE ARMENIA-ին տրամադրել է օդանավ շահագործողի վկայական:
Ավիաընկերության նավատորմը բաղկացած է Airbus A320 ընտանիքի ինքնաթիռներից։
Լրահոս
0