Տարբեր փողոցներ, շենքեր շրջափակվում են, պրոցեսը սկսված է. Սաղաթելյան

Իշխան Սաղաթելյանը դիմում է Կոմիտասի պողոտայի Սուրբ Խաչ եկեղեցու մոտ հավաքվածներին (25 ապրիլի, 2022թ)․ Երևան
Իշխան Սաղաթելյանը դիմում է Կոմիտասի պողոտայի Սուրբ Խաչ եկեղեցու մոտ հավաքվածներին (25 ապրիլի, 2022թ)․ Երևան - Sputnik Արմենիա, 1920, 02.05.2022
Բաժանորդագրվեք
Yandex newsTelegram
Իշխան Սաղաթելյանը հայտնեց, որ գիշերը Ֆրանսիայի հրապարակում անցել է հանգիստ, առանց միջադեպերի։
ԵՐԵՎԱՆ, 2 մայիսի - Sputnik. Ընդդիմությունը վաղ առավոտից սկսել է անհնազանդության տարբեր ակցիաներ։ Այս մասին առավոտյան Sputnik Արմենիայի հետ զրույցում հայտնեց ՀՀ ԱԺ փոխխոսնակ, «Դիմադրություն» շարժման անդամ Իշխան Սաղաթելյանը, որն ամբողջ գիշերն անցկացրել է Երևանի Ֆրանսիայի հրապարակում։

«Սկսում ենք անհնազանդության տարբեր ակցիաներ։ Կոչ եմ անում մեր քաղաքացիներին միանալ,- ասաց նա,- տարբեր փողոցներ, շենքեր շրջափակվում են, պրոցեսը սկսված է»։

Իշխան Սաղաթելյանը նաև հայտնեց, որ գիշերը Ֆրանսիայի հրապարակում անցել է հանգիստ, առանց միջադեպերի։
Տասնյակ քաղաքացիներ գիշերը մնացել են դրսում` չնայած անբարենպաստ եղանակին։
Հիշեցնենք, որ մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Բողոքի ակցիաներն ու երթերը մայրաքաղաքում սկսվել են ՀՀ վարչապետ Նիկոլ Փաշինյանի` Արցախի վերաբերյալ ԱԺ-ում ապրիլի 13-ի հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
«Դիմադրություն» շարժման անդամները նաև Հայաստանի 4 տարբեր մարզերից քայլերթեր սկսեցին դեպի Երևան։ Առաջին երթը մեկնարկեց ապրիլի 25-ին` Տավուշի մարզի Իջևան քաղաքից, հաջորդը` Արարատի մարզի Տիգրանաշեն գյուղից, նույն օրը երթ մեկնարկեց նաև Արագածոտնի մարզի Ապարան քաղաքից։ Վերջին՝ 4-րդ երթը մեկնարկեց Արմավիրի մարզի Սարդարապատ գյուղից։
Լրահոս
0