Հարցումներին պատասխանում են ուշացած, բովանդակազուրկ. ՄԻՊ-ը` լրագրողների իրավունքների մասին

© Sputnik / Asatur YesayantsԽոսափողներ
Խոսափողներ - Sputnik Արմենիա, 1920, 03.05.2022
Բաժանորդագրվեք
Yandex newsTelegram
Մամուլի ազատության համաշխարհային օրվա առթիվ ՀՀ ՄԻՊ Քրիստինե Գրիգորյանը խոսեց լրագրողների իրավունքների խախտումների մասին։
ԵՐԵՎԱՆ, 3 մայիսի – Sputnik. Մարդու իրավունքների պաշտպանի գրասենյակը նախորդ տարի տեղեկատվության իրավունքի ազատության խախտման վերաբերյալ 87 դիմում-բողոք է ստացել։ Մամուլի ազատության համաշխարհային օրվա առթիվ ԶԼՄ-ների ներկայացուցիչների հետ հարցուպատասխանի ձևաչափով հանդիպմանը հայտարարեց ՀՀ ՄԻՊ Քրիստինե Գրիգորյանը։

«Այդ բողոքների ուսումնասիրությունը մեզ թույլ է տալիս եզրակացնել, որ շատ հաճախ պետական հաստատությունների կողմից տեղեկատվության հարցման պատասխանները տրվում են ժամկետների ուշացումներով, երբեմն պատասխան կա, բայց բովանդազուրկ է»,- ասաց Գրիգորյանը։

Նա նաև մտահոգիչ համարեց մասնագիտական գործունեության ընթացքում լրագրողների հանդեպ բռնությունը, որի պակասը վերջին օրերին չի զգացվում։ Գրիգորյանը խոստացավ, որ հետևողական են լինելու, որպեսզի բոլոր մեղավորները պատժվեն։
Միջադեպ բողոքի ակցիայի ժամանակ. լրագրողներից մեկի ինքնազգացողությունը վատացավ
Նշենք, որ երեկ Բաղրամյան-Պռոշյան փողոցների խաչմերուկում mediahub.am-ի և այլ լրագրողների նկատմամբ բիրտ ուժ էր կիրառել Պետական պահպանության ծառայության՝ ՊՊԾ-ի պետ Սարգիս Հովհաննիսյանը՝ հարվածելով իրեն հարց ուղղող լրագրողին և նկարահանող օպերատորին, այդ թվում՝ վնաս պատճառելով վերջինիս տեսախցիկին։
Ինչպես ավելի վաղ հայտնել ենք` քաղաքացիների հետ մեկ այլ բախման ընթացքում գիտակցությունը կորցրել էր Yerkir.am-ի լրագրող Լիա Սարգսյանը:
Լրագրողների, օպերատորների նկատմամբ բիրտ ուժ է կիրառվել. Ժուռնալիստների միություն
Բացի այդ, Հերացի փողոցում սև դիմակավորները հարվածել են AntiFake.am-ի լրագրող Դավիթ Ֆիդանյանի ուսին, խոչընդոտել նկարահանմանը։ Խանջյան և Սայաթ-Նովա փողոցներում քաշքշել են AntiFake.am-ի լրագրող Իշխան Խոսրովյանին, խոչընդոտել նկարահանումներին։
Լրահոս
0