Ո՞ր փողոցներն են անհնազանդության ակցիաների հետևանքով փակվել Երևանում

Բաժանորդագրվեք
Yandex newsTelegram
Առավոտից Երևանի կենտրոնում երթևեկությունը մասամբ կամ ամբողջովին կաթվածահար է անհնազանդության ակցիաների հետևանքով։
Մասնավորապես, խցանումներ են եղել հետևյալ հատվածներում`
Բաղրամյան պողոտա, Կոմիտասի պողոտա, Փափազյան փողոց, Վրացական փողոց, Ազատության պողոտա, Սարալանջի շրջանցիկ ճանապարհ, Բաբայան փողոց, Խանջյան փողոց, Տերյան փողոց, Մաշտոցի պողոտա, Պուշկինի փողոց, Պռոշյան փողոց, Սարյան փողոց, Մոսկովյան փողոց, Նալբանդյան փողոց, Ռուբինյանց փողոց։
Հիշեցնենք` բողոքի ակցիաներն ու երթերը մայրաքաղաքում սկսվել են ՀՀ վարչապետ Նիկոլ Փաշինյանի` Արցախի վերաբերյալ ԱԺ-ում ապրիլի 13-ի հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, ՀՀ ԱԺ փոխխոսնակ, «Հայաստան» խմբակցության պատգամավոր Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 3-ի առավոտյան անհնազանդության ակցիաները վերսկսվեցին։
Լրահոս
0