Աղվան Հովսեփյանի պաշտպանական կողմը դատավորին ինքնաբացարկի միջնորդություն ներկայացրեց

© Sputnik / Asatur YesayantsՄՆացական Մարտիրոսյան
ՄՆացական Մարտիրոսյան - Sputnik Արմենիա, 1920, 04.05.2022
Բաժանորդագրվեք
Yandex newsTelegram
Աղվան Հովսեփյանի փաստաբանները հայտարարեցին, որ գործը դատավոր Մնացական Մարտիրոսյանին մակագրվել է կանոնների խախտմամբ։
ԵՐԵՎԱՆ, 4 մայիսի – Sputnik. ՀՀ նախկին գլխավոր դատախազ, Հայաստանի քննչական կոմիտեի նախկին ղեկավար Աղվան Հովսեփյանի պաշտպանական կողմը դատավոր Մնացական Մարտիրոսյանին ինքնաբացարկի միջնորդություն ներկայացրեց։

Հովսեփյանի փաստաբաններ Էրիկ Ալեքսանյանը և Երեմ Սարգսյանը հայտարարեցին, որ չնայած քրգործի շրջանակում առգրավված համակարգիչը վերադարձվել է Դատական դեպարտամենտ, գործը դատավոր Մարտիրոսյանին ձեռքով է մակագրվել, այլ ոչ թե ավտոմատ համակարգով։

Ի պատասխան Մարտիրոսյանը հայտարարեց, որ մակագրությունը կատարվել է այնպես, ինչպես պետք էր։
Փաստաբան Երեմ Սարգսյանը հայտարարեց, որ դատավորը պետք է ինքնաբացարկի միջնորդություն ներկայացնի, քանի որ մակագրման գործընթացի օրինականության վերաբերյալ լուրջ կասկածներ կան։
Ավելի վաղ Հայաստանի Բարձրագույն դատական խորհրդի մամուլի ծառայությունը հայտնել էր, որ Հայաստանի դատական դեպարտամենտը պատրաստվում է վերագործարկել դատական գործերի համակարգչային մակագրման ծրագրի համակարգը։
Հիշեցնենք` ՀՀ հատուկ քննչական ծառայությունը 2021 թվականի սեպտեմբերի 7-ին հայտնել էր, որ Աղվան Հովսեփյանը մեղադրվում է առանձնապես խոշոր չափերով` 190 մլն դրամ կաշառք ստանալու և խարդախության եղանակով 800 մլն դրամ գույքի հափշտակություն կատարելու համար:
Պարեկը կաշառք է վերցրել ու ձերբակալվել, գումար տվողը կալանավորվել է. մանրամասներ
Նա մեղադրվում է նաև հանցավոր ճանապարհով ստացված 1 միլիարդ 299 միլիոն դրամի գույքը (փողերի լվացում) օրինականացնելու համար: Ավելի ուշ ՀՔԾ-ն Հովսեփյանին կալանավորելու միջնորդություն է ներկայացրել։
Հովսեփյանին մեղադրանք է առաջադրվել ՀՀ քրեական օրենսգրքի 310-րդ հոդվածով (ձեռնարկատիրական գործունեությանն ապօրինի մասնակցելը), 311-րդ հոդվածի 4-րդ մասի 2-րդ կետով (կաշառք ստանալը), 178-րդ հոդվածի 3-րդ մասի 1-ին կետով (խարդախությունը) և 190-րդ հոդվածի 3-րդ մասի 1-ին կետով (հանցավոր ճանապարհով ստացված եկամուտներն օրինականացնելը` փողերի լվացումը):
Հովսեփյանն իրեն առաջադրված մեղադրանքը չի ընդունում։
Լրահոս
0