Դատարաններում վերագործարկվել է ավտոմատ էլեկտրոնային մակագրման համակարգը

© Pixabay / succoԴատավորի մուրճիկ
Դատավորի մուրճիկ - Sputnik Արմենիա, 1920, 05.05.2022
Բաժանորդագրվեք
Yandex newsTelegram
Ավտոմատ էլեկտրոնային մակագրման համակարգը, սակայն,դեռևս կարիք ունի ծրագրային թարմացումների։
ԵՐԵՎԱՆ, 5 մայիսի – Sputnik. Այսօր` ժամը 14։00-ից, դատարաններում վերագործարկվել է ավտոմատ էլեկտրոնային մակագրման համակարգը։ Այս մասին տեղեկացնում է Բարձրագույն դատական խորհուրդը։
Էլեկտրոնային մակագրման համակարգը վերագործարկվել է, մասնավորապես, Երևանի առաջին ատյանի ընդհանուր իրավասության, Սնանկության, Վերաքննիչ քաղաքացիական, Վերաքննիչ քրեական , Վարչական և Վերաքննիչ վարչական դատարաններում։
Նշվում է, որ համակարգը դեռևս կարիք ունի ծրագրային թարմացումների։
«Առաջիկայում համակարգում կշարունակվեն անհրաժեշտ աշխատանքները, ինչը հնարավոր է` հանգեցնի որոշակի անճշտությունների, որոնք սեղմ ժամկետներում կվերականգնվեն»,–նշված է հաղորդագրության մեջ։
Նշենք, որ 2021 թվականին ԱԱԾ-ն առգրավել էր որոշ դատարանների Էլեկտրոնային մակագրումն ապահովող համակարգիչները։ Դատավորների անկախությունը երաշխավորող մարմնի՝ Բարձրագույն դատական խորհրդի (ԲԴԽ) նախագահ Գագիկ Ջհանգիրյանը հայտարարել էր, որ դա արվել է արդարատությանը խոչընդոտելու մեղադրանքով մի քրեական գործի շրջանակներում, երբ միջամտություն է եղել այդ համակարգում։
2021 թվականի դեկտեմբերի 22-ին ՀՀ նախկին ՄԻՊ Արման Թաթոյանը դիմել էր Սահմանադրական դատարան` կապված դատական գործերի «ձեռքով» մակագրման հետ։
Դատական գործերի «ձեռքով» մակագրության պրակտիկան շարունակվում է, լուրջ հարցեր են առաջ գալիս
Ավելի քան 9 ամիս «ձեռքով» մակագրումներից հետո Բարձրագույն դատական խորհրդի մամուլի ծառայությունը հայտնել էր, որ Հայաստանի դատական դեպարտամենտը պատրաստվում է վերագործարկել դատական գործերի համակարգչային մակագրման ծրագրի համակարգը։
Լրահոս
0