Հայկ Խանումյանն ազատվելու է նախարարի պաշտոնից. «Հրապարակ»

© FB profileԱրցախի տարածքային կառավարման և ենթակառուցվածքների նախարար Հայկ Խանումյանը
Արցախի տարածքային կառավարման և ենթակառուցվածքների նախարար Հայկ Խանումյանը - Sputnik Արմենիա, 1920, 06.05.2022
Արցախի տարածքային կառավարման և ենթակառուցվածքների նախարար Հայկ Խանումյանը. Արխիվային լուսանկար
Բաժանորդագրվեք
Yandex newsTelegram
Նշվում է, որ Արցախի նախագահը Խանումյանին նշանակելու է նախագահի աշխատակազմի ղեկավար, ինչը նշանակում է, որ «ԱՀ նախագահականում Փաշինյանը կունենա սեփական աչքն ու ականջը»։
ԵՐԵՎԱՆ, 6 մայիսի - Sputnik. Արցախի նախագահ Արայիկ Հարությունյանը տարածքային կառավարման և ենթակառուցվածքների նախարար Հայկ Խանումյանին ազատելու է նախարարի պաշտոնից։ Լուրը գրում է «Հրապարակ» թերթը` հավելելով, որ այն պաշտոնապես ճշտել չի հաջողվել։
Անցած շաբաթ Արցախի գլխավոր դատախազը խորհրդարանում հայտարարել էր, որ կառավարության կազմում մեղադրյալ կա՝ տարածքային կառավարման և ենթակառուցվածքների նախարար Հայկ Խանումյանին մեղադրանք է առաջադրվել, և դատախազությունը միջնորդություն է ներկայացրել ԱՀ նախագահին՝ կասեցնելու մեղադրյալ-նախարարի պաշտոնավարումը, բայց տևական ժամանակ է՝ պատասխան չեն ստացել։
«Խանումյանին պաշտոնում պահողն իր համերկրացի Նիկոլ Փաշինյանն է, սակայն Խանումյանին ոչ թե իր «զեմլյակը» լինելու համար է հովանավորում, այլ այն պատճառով, որ սորոսական համարվող շրջանակները վերջինիս հովանավորում են»,–գրում է «Հրապարակը»։
Թերթի տվյալներով` լուրեր են շրջանառվում, որ նախարարի պաշտոնից հանելուց հետո Արայիկ Հարությունյանը Խանումյանին մոտ օրերս նշանակելու է նախագահի աշխատակազմի ղեկավար, ինչը նշանակում է, որ «ԱՀ նախագահականում Փաշինյանը կունենա սեփական աչքն ու ականջը»։
Մանրամասները՝ թերթի այսօրվա համարում։
Իշխանավորների ասածները վկայում են, որ Արցախի կարգավիճակի նշաձողն իջեցվել է. փորձագետ
Նշենք, որ Հայկ Խանումյանն ԱՀ տարածքային կառավարման և ենթակառուցվածքների նախարար է նշանակվել 2020թ–ի դեկտեմբերին։
Լրահոս
0