https://arm.sputniknews.ru/20220506/inchpes-enq-kvorcrel-khtsaberdy-gumartaki-hramanatarin-meghadranq-e-arajadrvel-41776270.html
Ինչպես ենք կորցրել Խծաբերդը. գումարտակի հրամանատարին մի քանի մեղադրանք է առաջադրվել
Ինչպես ենք կորցրել Խծաբերդը. գումարտակի հրամանատարին մի քանի մեղադրանք է առաջադրվել
Sputnik Արմենիա
Գումարտակի հրամանատարը, ըստ ՀՀ քննչական կոմիտեի, ինքնապաշտպանության անցնելու փոխարեն լքել է Խծաբերդը։ 06.05.2022, Sputnik Արմենիա
2022-05-06T20:28+0400
2022-05-06T20:28+0400
2022-05-06T20:32+0400
արցախ
խծաբերդ
հրամանատար
https://cdn.am.sputniknews.ru/img/07e4/09/18/24579734_0:85:1600:985_1920x0_80_0_0_e8417fb67f22b827d92f716908f98219.jpg
ԵՐԵՎԱՆ, 6 մայիսի – Sputnik. Խծաբերդում մարտական հերթապահություն իրականացրած գումարտակի հրամանատարի կողմից մարտադաշտն ինքնակամ լքելու գործով նախաքննությունն ավարտվել է։ Տեղեկությունը հայտնում է ՀՀ քննչական կոմիտեն։Պարզվել է, որ 2020թ. նոյեմբերի 9-ի եռակողմ համաձայնագիրը կնքելուց հետո, Ա.Ղ.-ն, իրականացնելով ՊԲ N զորամասի տանկային աշտարակների գումարտակի հրամանատարի պարտականությունները, 2020-ի դեկտեմբերի 12-ին ստացած հրամանի համաձայն՝ իր ենթակա անձնակազմի հետ տեղակայվել է Արցախի Հադրութի շրջանի Խծաբերդ և Հին Թաղեր գյուղերի խաչմերուկում գտնվող տեղամասում:Սակայն Ա.Ղ.-ն դեկտեմբերի 13-ին՝ ժամը 12:00-ի սահմաններում, տեղեկանալով հակառակորդի հնարավոր հարձակման մասին, չի կատարել հրամանը, փոխարենը անձնակազմին հրաման է տվել թողնել մարտական դիրքերը և նահանջել զբաղեցրած բնագծի տարածքից:Նույն օրը՝ ժամը 17:00-ի սահմաններում, գումարտակի շտաբի պետն ինքնակամ լքել է մարտադաշտը և իր ենթակա դասակի անձնակազմին հրաման է տվել թողնել տեղամասում զբաղեցրած մարտական դիրքերը և նահանջել։ Սրա հետևանքով Խծաբերդ գյուղի պաշտպանության համար զբաղեցրած մարտական դիրքերը և Խծաբերդ գյուղն անցել են հակառակորդի վերահսկողության տակ։Բացի այդ, մարտական հերթապահության մեկնելուց առաջ Ա.Ղ.-ն ստացել է գաղտնիք պարունակող՝ Խծաբերդ գյուղի տեղանքը պատկերող աշխատանքային քարտեզ, ինչպես նաև N զորամասի տանկային աշտարակների գումարտակի անձնակազմի վերաբերյալ անհատականացնող տեղեկատվություն պարունակող էլեկտրոնային կրիչ։ Սակայն նա անփույթ վերաբերմունք է դրսևորել, որի հետևանքով գաղտնիք պարունակող հիշյալ տեղեկատվությունն անցել է հակառակորդի տիրապետության տակ:Ձեռք բերված ապացույցների համակցությամբ՝ Ա.Ղ.-ին մեղադրանք է առաջադրվել՝ ՀՀ քրեական օրենսգրքի 356-րդ հոդվածի 3-րդ մասով (հրամանը չկատարելը), 380-րդ հոդվածի 1-ին մասով (մարտադաշտն ինքնակամ լքելը կամ զենքով գործելուց հրաժարվելը) և 376-րդ հոդվածի 3-րդ մասով (անփույթ վերաբերմունքը ծառայության նկատմամբ)։Նախաքննությունն ավարտվել է, և քրգործն ուղարկվել դատավարական հսկողություն իրականացնող դատախազին:Կազմակերպվա՞ծ են հանձնել Խծաբերդը և Հին Թաղերը. քրգործով միակ անցնողը մանրամասներ հայտնեց
խծաբերդ
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
խծաբերդ հրամանատար մեղադրանք
խծաբերդ հրամանատար մեղադրանք
Ինչպես ենք կորցրել Խծաբերդը. գումարտակի հրամանատարին մի քանի մեղադրանք է առաջադրվել
20:28 06.05.2022 (Թարմացված է: 20:32 06.05.2022) Գումարտակի հրամանատարը, ըստ ՀՀ քննչական կոմիտեի, ինքնապաշտպանության անցնելու փոխարեն լքել է Խծաբերդը։
ԵՐԵՎԱՆ, 6 մայիսի – Sputnik. Խծաբերդում մարտական հերթապահություն իրականացրած գումարտակի հրամանատարի կողմից մարտադաշտն ինքնակամ լքելու գործով նախաքննությունն ավարտվել է։ Տեղեկությունը հայտնում է
ՀՀ քննչական կոմիտեն։
Պարզվել է, որ 2020թ. նոյեմբերի 9-ի եռակողմ համաձայնագիրը կնքելուց հետո, Ա.Ղ.-ն, իրականացնելով ՊԲ N զորամասի տանկային աշտարակների գումարտակի հրամանատարի պարտականությունները, 2020-ի դեկտեմբերի 12-ին ստացած հրամանի համաձայն՝ իր ենթակա անձնակազմի հետ տեղակայվել է Արցախի Հադրութի շրջանի Խծաբերդ և Հին Թաղեր գյուղերի խաչմերուկում գտնվող տեղամասում:
Հաջորդ օրը՝ ժամը 11:00-ի սահմաններում, նշված տեղամասում հակառակորդի զինված ուժերի ներկայացուցիչները հրամանատարին պահանջ են ներկայացրել ենթակա անձնակազմի հետ մինչև ժամը 17։00-ն լքել բոլոր մարտական հենակետերը։ Այդ մասին վերջինս զեկուցել է վերադաս հրամանատարությանը, որին ի պատասխան հրաման է ստացել իր ենթակա գումարտակի անձնակազմի հետ անցնել շրջանաձև պաշտպանության, իրականացնել իրենց պահպանությանը հանձնված մարտական դիրքերի պաշտպանությունը՝ կանխելով հակառակորդի առաջխաղացումը։
Սակայն Ա.Ղ.-ն դեկտեմբերի 13-ին՝ ժամը 12:00-ի սահմաններում, տեղեկանալով հակառակորդի հնարավոր հարձակման մասին, չի կատարել հրամանը, փոխարենը անձնակազմին հրաման է տվել թողնել մարտական դիրքերը և նահանջել զբաղեցրած բնագծի տարածքից:
Նույն օրը՝ ժամը 17:00-ի սահմաններում, գումարտակի շտաբի պետն ինքնակամ լքել է մարտադաշտը և իր ենթակա դասակի անձնակազմին հրաման է տվել թողնել տեղամասում զբաղեցրած մարտական դիրքերը և նահանջել։ Սրա հետևանքով Խծաբերդ գյուղի պաշտպանության համար զբաղեցրած մարտական դիրքերը և Խծաբերդ գյուղն անցել են հակառակորդի վերահսկողության տակ։
Բացի այդ, մարտական հերթապահության մեկնելուց առաջ Ա.Ղ.-ն ստացել է գաղտնիք պարունակող՝ Խծաբերդ գյուղի տեղանքը պատկերող աշխատանքային քարտեզ, ինչպես նաև N զորամասի տանկային աշտարակների գումարտակի անձնակազմի վերաբերյալ անհատականացնող տեղեկատվություն պարունակող էլեկտրոնային կրիչ։ Սակայն նա անփույթ վերաբերմունք է դրսևորել, որի հետևանքով գաղտնիք պարունակող հիշյալ տեղեկատվությունն անցել է հակառակորդի տիրապետության տակ:
Ձեռք բերված ապացույցների համակցությամբ՝ Ա.Ղ.-ին մեղադրանք է առաջադրվել՝ ՀՀ քրեական օրենսգրքի 356-րդ հոդվածի 3-րդ մասով (հրամանը չկատարելը), 380-րդ հոդվածի 1-ին մասով (մարտադաշտն ինքնակամ լքելը կամ զենքով գործելուց հրաժարվելը) և 376-րդ հոդվածի 3-րդ մասով (անփույթ վերաբերմունքը ծառայության նկատմամբ)։
Նախաքննությունն ավարտվել է, և քրգործն ուղարկվել դատավարական հսկողություն իրականացնող դատախազին:
