Ստամբուլում կրկին պայթյուն է եղել, այս անգամ՝ նավի վրա

© Sputnik / Антон Денисов / Անցնել ֆոտոբանկՍտամբուլ
Ստամբուլ - Sputnik Արմենիա, 1920, 06.05.2022
Ստամբուլ. Արխիվային լուսանկար
Բաժանորդագրվեք
Yandex newsTelegram
Նախնական տվյալներով` պայթյունը եղել է գազի ճնշումից։
ԵՐԵՎԱՆ, 6 մայիսի – Sputnik. Ստամբուլի Թուզլա թաղամասի նավաշինարանում նավերից մեկի վրա պայթյուն է եղել։ Նախնական տվյալներով` 5 մարդ վիրավորվել է։ Այս մասին հայտնում է թուրքական Yeni Şafak թերթը։

Վիրավորները տեղի աշխատակիցներն են, իսկ զոհերի մասին առայժմ տեղեկություն չկա։ Նախնական տվյալներով` պայթյունը եղել է գազի ճնշումից։ Դեպքի վայր ժամանել են ոստիկանությունը, շտապ օգնությունն ու փրկարար ծառայությունը։

Նշենք, որ Թուզլայի նավաշինարանը Թուրքիայի ամենամեծ նավաշինարաններից է ու, միաժամանակ, հայտնի է այդտեղ տեղի ունեցող դժբախտ պատահարների մեծ թվով։ Տարբեր տարիներին նավաշինարանի աշխատակիցները պայթյունի, հրդեհի կամ էլեկտրահարման հետևանքով մահացել են։
Հիշեցնենք` ապրիլի 29-ին ևս Ստամբուլի Թուզլա շրջանի արդյունաբերական տարածքում գործող գործարաններից մեկում ուժեղ պայթյուն է եղել, որից հետո սկսված հրդեհը տարածվել էր դեպի հարևանությամբ գործող 5 գործարաններ և ծառեր։ Պատահարից 3 մարդ զոհվել է, 7-ը` տուժել։
Լրահոս
0