Երևանից մեկնարկեց «Դիմադրության» ավտոերթը դեպի Գյումրի

© Sputnik / Asatur YesayantsԲողքի ակցիա
Բողքի ակցիա - Sputnik Արմենիա, 1920, 08.05.2022
Բողքի ակցիա. Արխիվային լուսանկար
Բաժանորդագրվեք
НовостиTelegram
Այսօր Երևանում հանրահավաք նախատեսված չէ, ընդդիմադիրների խոսքով՝ հուժկու հանրահավաք է անցկացվելու մայիսի 9-ին։
ԵՐԵՎԱՆ, 8 մայիսի – Sputnik․ Երևանից` Աշտարակի խճուղու սկզբնամասից, մեկնարկեց ընդդիմադիրների ավտոերթը դեպի հանրապետության երկրորդ քաղաք՝ Գյումրի։ Մասնակից վարորդները մեքենաների վրա Արցախի և Հայաստանի պետական դրոշներն են ամրացրել, հնչում են ազգային ազատագրական երգեր։ Նշենք, որ ճանապարհով ընթացող այլ մեքենաներից հաճախ վարորդներն ազդանշաններով ողջունում են ավտոերթի մասնակիցներին։
«Դիմադրության» շարժումն այսօր հանրահավաք կանցկացնի Գյումրիում, որի ավարտին նաև նախատեսված է երթ, եթե եղանակային պայմանները թույլ տան։
Մինչ ավտոերթի մեկնարկը ԱԺ «Պատիվ ունեմ» խմբակցության քարտուղար Հայկ Մամիջանյանը լրագրողների հետ զրույցում հիշեցրեց, որ երկուշաբթի օրը՝ մայիսի 9-ին, հուժկու հանրահավաք է նախատեսված։ Նա չցանկացավ բացահայտել հանրահավաքի մանրամասները, թե ինչ գործողություններ են լինելու ծրագրում՝ նշելով, որ ավելի լավ է՝ դա անակնկալ մնա։
«Սրտի այն տրոփյունը, որ տեսնում եմ իշխանության՝ տարբեր կալիբրի ներկայացուցիչների աչքերում, ուզում եմ պահպանվի մինչև վաղը երեկոյան»,- նշեց Մամիջանյանը՝ շեշտելով, որ «Դիմադրության» շարժման բոլոր գործողությունները շարունակելու են լինել խաղաղ։
Մամիջանյանը վստահ է, որ այս տարվա մայիսի 9-ը հիմք է դնելու, որ ապագայում մենք կարողանանք քառատոն նշել, քանի որ, նրա խոսքով, ժողովրդի հաղթանակը պետք է փաստագրել։
Հիշեցնենք, որ այսօր՝ մայիսի 8-ին, Երևանում հանրահավաք նախատեսված չէ։ Երեկոյան 17։00-ին Ֆրանսիայի հրապարակում նախատեսված է արցախցիների մշակութային միջոցառում։
Քաղաքացին ցանկացել է վնասել ընդդիմության 3 ներկայացուցիչներին. ոստիկանները բռնել են նրան
Լրահոս
0