Արցախը չենք զիջելու. 44-օրյա պատերազմում զոհվածների ծնողները երդվեցին Եռաբլուրում

© Sputnik / Asatur YesayantsԶոհված զինծառայողների հարազատները
Զոհված զինծառայողների հարազատները - Sputnik Արմենիա, 1920, 09.05.2022
Զոհված զինծառայողների հարազատները
Բաժանորդագրվեք
Yandex newsTelegram
Երդման տեքստը կարդաց զոհվածներից մեկի հայրը։
ԵՐԵՎԱՆ, 9 մայիսի – Sputnik. Արցախյան 44-օրյա պատերազմում զոհված զինծառայողների ծնողները «Եռաբլուր» զինվորական պանթեոնում երդվեցին, որ Արցախը չեն զիջելու։
Պատերազմում նահատակված Հակոբ Ռոստոմյանի հայրը` Ատոմ Ռոստոմյանը, հնչեցրեց իրենց երդման տեքստը։

«Ժամն է արթնանալու, ժամն է վերելքի և պայքարի։ Մենք, որ մեր նախնիներից ժառանգել ենք հայոց պետականությունը, հայկական Արցախը, հայի արժանապատվությունը, մեր զոհված զավակների շիրիմների առաջ երդվում ենք` Արցախը չենք զիջելու, Հայաստանը հզորանալու է, մնալու ենք հավատարիմ մեր հավատամքին, իսկ ապազգային և անկարող այս իշխանությանը վռնդելու ենք։ Երդվում ենք»,– ասաց Ռոստոմյանը։

Ծնողների կողքին էր նաև Տավուշի թեմի առաջնորդ Բագրատ եպիսկոպոս Գալստանյանը։
Նրանք Շառլ Ազնավուրի հրապարակից Եռաբլուր էին հասել քայլերթով։
Արցախը որևէ մեկի գրպանում դրված բլիթ չէ, որ վերցնեն ու տան ինչ-որ մեկին․ Թևան Պողոսյան
Լրահոս
0