https://arm.sputniknews.ru/20220510/haghtanaki-dzgtum-u-nor-ynkerner-gjumrium-kajacav-dprocakanneri-futbolajin-mrcashary-41881089.html

Հաղթանակի ձգտում ու նոր ընկերներ. Գյումրիում կայացավ դպրոցականների ֆուտբոլային մրցաշարը

Հաղթանակի ձգտում ու նոր ընկերներ. Գյումրիում կայացավ դպրոցականների ֆուտբոլային մրցաշարը

Sputnik Արմենիա

Հայաստանի ազգային հավաքականի դարպասը շուրջ 20 տարի պաշտպանած Ռոման Բերեզովսկուն մրցումներին տեսնելը երեխաների համար շատ անսպասելի էր։ 10.05.2022, Sputnik Արմենիա

2022-05-10T15:43+0400

2022-05-10T15:43+0400

2022-05-10T15:59+0400

ֆուտբոլ

«ռոսսոտրուդնիչեստվո»

գյումրի

դպրոց

ռոման բերեզովսկի

https://cdn.am.sputniknews.ru/img/07e6/05/0a/41879371_0:151:1600:1051_1920x0_80_0_0_5ad25438dc4bc1eb1372a4d979d90dea.jpg

Գյումրու Արամ Սարգսյանի անվան խաղերի մանկապատանեկան մարզադպրոցում այսօր կայացավ դպրոցականների ֆուտբոլային մրցաշարը, որին մասնակցում էին ԿԳՄՍ նախարարության Վանաձորի թիվ 1, Գյումրու թիվ 6 և 23, ինչպես նաև ՌԴ կրթության նախարարության ենթակայության Գյումրու թիվ 19 դպրոցի աշակերտները:Մրցաշարի հաղթողը Վանաձորի Վազգեն Առաջինի անվան թիվ 1 դպրոցն էր:Մրցույթն այս տարի պիլոտային է և անցկացվում է Ռոման Բերեզովսկու մրցանակի համար՝ հաջորդ տարի նախատեսված ֆուտբոլային մեծ մրցաշարի նախապատրաստման շրջանակում: Այն նպատակ ունի մասսայականացնելու բակային ֆուտբոլը:Երեխաներից շատերի համար այս մրցույթն առաջին հնարավորությունն էր այլ դպրոցի երեխաների հետ մրցելու:Ալենը Պետրոսյանը ընկերների հետ Վանաձորից է եկել, եկել է, որ հաղթի:«Հաճախ եմ ընկերներիս հետ ազատ ժամերին բակում ֆուտբոլ խաղում, բայց նման դահլիճում ու նման կարգի առաջին անգամ է»-ասում է Ալենը նշելով, որ հաղթանակից բացի կուզենա, որ Գյումրիում շատ նոր ընկերներ ձեռք բերի:Հայաստանի ազգային հավաքականի դարպասը շուրջ 20 տարի պաշտպանած Ռոման Բերեզովսկուն մրցումներին տեսնելը շատ երեխաների՝ հատկապես դարպասապահների համար, շատ անսպասելի էր: Այն փաստը, որ հայտնի դարպասապահն իրենց հետևում է հանդիսականների աթոռին նստած՝ ոգևորում էր տղաներին: Մելսիկ Համբարյանը Գյումրու թիվ 6 դպրոցում է սովորում՝ դարպասապահ է: Ասում է՝ շատ կուզենա, որ այսօր իրենք հաղթեն, ու իր խաղը հայտնի դարպասապահը տեսնի:«Ֆուտբոլն իմ համար երկրորդ կյանք է»- ասում է թիվ 19 դպրոցի աշակերտ Նարեկ Պողոսյանը՝ ավելացնելով՝ շատ է ուզում, որ բարեկարգված ֆուտբոլային դաշտ իրենց բակում էլ ունենան, որ ավելի հաճախ նմանատիպ խաղերի մասնակցի:«Արդեն իսկ լավ երեխաների եմ տեսնում, հենց այսպես պետք է լավ ֆուտբոլիստներ ծնվեն: Հույս ունեմ, որ երեխաները կկարողնան մրցելուց բացի նաև լավ ընկերներ դառնալ, քանի որ ֆուտբոլում հաղթում են ընկերական լավ խաղի շնորհիվ»,-ասում է Ռոման Բերեզովսկին՝ խորհուրդ տալով երեխաներին շատ աշխատել:Ռոմանը միշտ աչքի է ընկել իր համեստությամբ, բայց ֆուտբոլային դաշտում փոխվում էր՝ դառնում նպատակասլաց ու ակտիվ: Հենց այս հատկանիշներն էին, որ ավագ եղբորը՝ Ալեքսանդրին ստիպեցին կրտսեր եղբորը ֆուտբոլի տանել: « 7 տարեկանից է ֆուտբոլի գնացել: Շատ էր սիրում ֆուտբոլը, դաշտում լրիվ փոխվում էր՝ այլ մարդ էր դառնում: Պետք է երեխաների մեջ փոքր հասակում սերմանել ֆուտբոլի հանդեպ սերն ու հնարավորություն ընձեռել մասսայականացնելու այս մարզաձևը»,- պատմում է մրցաշարի կազմկոմիտեի նախագահ Ալեքսանդր Բերեզովսկին, ում գլխավորած «Բարության ուղի» հասարակական կազմակերպությունը մրցումների համակազմակերպիչն է:Մրցույթն անցավ համառ պայքարում: Արդյունքում երրորդ հորիզոնականում հայտնվեց Գյումրու թիվ 6, երկրորդում՝ թիվ 23 դպրոցի թիմը, իսկ լավագույնը Վանաձորի թիվ 1 դպրոցն էր: Լավագույն եռյակի համար նախատեսված էին գավաթներ ու մեդալներ: Խրախուսական մրցանակներ ստացավ նաև թիվ 19 դպրոցը: Հայաստանի ֆուտբոլի ֆեդերացիայի կողմից բոլոր թիմերը ստացան գնդակներ, իսկ ամենասպասված նվերը հայտնի դարպասապահի ստորագրությամբ լուսանկարն էր:«Շատ տպավորված եմ: Հատկապես վերջին խաղը համառ պայքարում էր ընթանում, շատ հետաքրքիր գոլային պահերի ականատեսը եղա: Շատ լավ էր ամեն ինչ կազմակերպված»,-ասաց Բերեզովսկին ժպտալով՝ նույնիսկ եղան պահեր, երբ ցանկություն կար երեխաների հետ խաղահրապարակում հայտնվելու:Մրցաշարն անցկացվում է «Ռոսսոտրուդնիչեստվոյի» հովանու ներքո՝ Հայաստանի ֆուտբոլի ֆեդերացիայի ու ՀՀ ԿԳՄՍՆ–ի աջակցությամբ: Մրցույթի համակազմակերպիչը «Բարության ուղի» հասարակական կազմակերպությունն է, ինֆորմացիոն հովանավորը՝ Sputnik Արմենիան:

գյումրի

2022

Լուրեր

am_HY

ֆուտբոլ, «ռոսսոտրուդնիչեստվո», գյումրի, դպրոց, ռոման բերեզովսկի