Զմեինի կղզին գրավելու փորձը տապալվել է․ ՌԴ ՊՆ-ն ներկայացրել է Կիևի կորուստները

© Пресс-служба Минобороны РФ / Անցնել ֆոտոբանկՀանձնված ուկրաինացի զինծառայողները տեղափոխվում են Սևաստոպոլ
Հանձնված ուկրաինացի զինծառայողները տեղափոխվում են Սևաստոպոլ - Sputnik Արմենիա, 1920, 11.05.2022
Հանձնված ուկրաինացի զինծառայողները տեղափոխվում են Սևաստոպոլ
Բաժանորդագրվեք
Yandex newsTelegram
Գեներալ Կոնաշենկովը մանրամասն պատմել է ուկրաինական արկածախնդրության մասին։
ԵՐԵՎԱՆ, 11 մայիսի – Sputnik. Զմեինի կղզու գրավման փորձի ընթացքում ուկրաինական զորքերը մարդկային, ինքնաթիռների, ուղղաթիռների ու ԱԹՍ-ների կորուստներ են ունեցել։ Տեղեկությունը հայտնել է Ռուսաստանի պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը:

«Այդ արկածախնդրությունն Ուկրաինայի համար աղետալի ավարտ է ունեցել։ Հաղթանակի օրվա նախօրեին Զմեինի կղզին գրավելու անխոհեմ PR ակցիան հանգեցրել է Ուկրաինայի զինված ուժերի էլիտար ստորաբաժանումների ավելի քան հինգ տասնյակ գրոհայինների և զինծառայողների անիմաստ մահվան, 4 ինքնաթիռների, 10 ուղղաթիռների, 3 մոտորանավակների և 30 ԱԹՍ-ների կորստի»,- ասել Է գեներալը:

Կիևի ռեժիմը Զմեինի կղզու շրջանում կորցրել է 3 Սու-24 ռմբակոծիչ և 1 Սու-27 կործանիչ:
Ոչնչացվել են Ուկրաինայի օդային ուժերի 10 ուղղաթիռներ` օդում խոցվել է 3 Մի-8 ուղղաթիռ՝ դեսանտով, 3 Մի-24 ուղղաթիռ։ Բացի այդ, գործողությանը ներգրավված ևս վեց Մի-8 և Մի-24 ուղղաթիռներ են ոչնչացվել ցամաքում՝ Օդեսայի մարզի Արցիզ բնակավայրի շրջանում:
Մայիսի 10-ի ցերեկը, նրա խոսքով, ՌԴ ՀՕՊ-ը Զմեինի կղզու շրջանում ոչնչացրել է ևս մեկ ուկրաինական «Բայրաքթար-ՏԲ2» ԱԹՍ։
«Այսպիսով` Կիևի ռեժիմն անցած 3 օրում այդ շրջանում կորցրել է 30 ռազմական անօդաչու թռչող սարք։ Հիշեցնեմ, որ դրանցից 9-ը հարվածային «Բայրաքթար-ՏԲ2»-ներ են եղել»,- հստակեցրել է գեներալը։
Նա հավելել է, որ բոլոր ԱԹՍ-ները ներգրավված են եղել Կիևի ռեժիմի տապալված PR ակցիայում՝ Հաղթանակի օրվա նախօրեին Զմեինի կղզին գրավելու համար:
Գեներալի խոսքով` այսօր ՌԴ զինծառայողները ափին հայտնաբերել են ևս 3 դիվերսանտների մարմիններ, որոնք ծովն է ափ բերել։
ԼԺՀ զորքը ՌԴ ԶՈւ աջակցությամբ ճեղքել է Ուկրաինայի ԶՈւ-ի պաշտպանությունը․ ՊՆ
ՌԴ օպերատիվ-մարտավարական և բանակային ավիացիան մեկ գիշերվա ընթացքում ոչնչացրել է 93 ուկրաինական օբյեկտ, այդ թվում՝ ՈւԶՈւ-ի զինամթերքի երեք պահեստ։
Հրթիռային զորքերի և հրետանու կողմից խոցվել է կենդանի ուժի և ռազմական տեխնիկայի կենտրոնացման 407 շրջան, ոչնչացվել է 13 կառավարման կետ, «Օսա-ԱԿՄ» զենիթահրթիռային համալիրների 4 դիրք և զինամթերքի 14 պահեստ․
Հարվածների արդյունքում ոչնչացվել է ավելի քան 280 ազգայնական, շարքից հանվել է 59 միավոր ռազմական տեխնիկա։
ՀՕՊ-ը գիշերը ոչնչացրել է 9 ուկրաինական անօդաչու թռչող սարք` 4-ը` Խարկովի մարզում՝ Բալակլեայի մոտ, 3-ը՝ ԼԺՀ-ում, 1-ը՝ Զմեինի կղզու մոտ, ևս 1-ը՝ «Բայրաքթար-ՏԲ2»-ը, Արխանգելսկի շրջանում։
Գործողության մեկնարկից ի վեր ոչնչացվել է 164 ուկրաինական ինքնաթիռ, 125 ուղղաթիռ, 807 անօդաչու թռչող սարք, 302 զենիթահրթիռային համալիր, 2998 տանկ և այլ մարտական զրահամեքենաներ, ՀԿՌՀ-ի 360 կայանք և 1455 հրանոթ։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 77-րդ օրը։
Լրահոս
0