Առևանգել են դաշնակցական երիտասարդին. փաստաբանը հանցագործության մասին հաղորդում է տվել

© Sputnik / Zara MikaԲենիկ Գալստյան
Բենիկ Գալստյան - Sputnik Արմենիա, 1920, 11.05.2022
Բենիկ Գալստյան
Բաժանորդագրվեք
Yandex newsTelegram
Բենիկ Գալստյանը համոզված է, որ առևանգողները իրավապահ համակարգի աշխատակիցներ չեն։
ԵՐԵՎԱՆ, 11 մայիսի – Sputnik. Երևանի Տիգրան Մեծի պողոտայի «Երևան Սիթի» սուպերմարկետի մոտից մայիսի 10-ին, ժամը 23։30-ի սահմաններում բռնության կիրառմամբ առևանգել են դաշնակցական երիտասարդ Պետո Սարոյանին։ Տեղեկությունը հայտնում է փաստաբան Բենիկ Գալստյանը։
«Առավել քան վստահ եմ, որ նրանք իրավապահ համակարգի աշխատակիցներ չեն։ Պետոյի մասով մայիսի 10-ին, ժամը 16:00-20:00-ն ընկած ժամանակահատվածում ըստ հերթականության հեռախոսազրույցներ եմ ունեցել ՀՀ ՔԿ Շիրակի մարզային քննչական վարչության քննիչ Խորեն Նազարյանի հետ։ Նա հայտնել է, որ տվյալ պահին խիստ զբաղված է, Պետոյին հարցաքննության կկանչի մոտակա օրերս՝ ինձ հետ նախապես հեռախոսակապ հաստատելու միջոցով։ Խոսել եմ ՀՀ ոստիկանության Շիրակի մարզային վարչության հերթապահ մասի հերթապահի, ինչպես նաև օպերլիազորներից մեկի հետ, նրանք հավաստիացրել են` որևէ խնդիր չկա»,– ֆեյսբուքյան իր էջում գրել է Գալստյանը։
Նա նաև ընդգծել է, որ դեռ երեկ նշված հանցագործության ականատեսներից մեկի հետ գնացել է ոստիկանության կենտրոնականի բաժին հանցագործության մասին հաղորդում տալու համար։
Լրահոս
0