Հեշտ չէ Թուրքիայի հետ հարաբերություն կարգավորել, երբ նեգատիվ ժառանգություն կա. Փաշինյան

© Photo : official site of the Prime Minister of RAՆիկոլ Փաշինյանն այցելել է Միջազգային հարաբերությունների նիդեռլանդական ինստիտուտ՝ Քլինգենդայլ:
Նիկոլ Փաշինյանն այցելել է Միջազգային հարաբերությունների նիդեռլանդական ինստիտուտ՝ Քլինգենդայլ: - Sputnik Արմենիա, 1920, 11.05.2022
Նիկոլ Փաշինյանն այցելել է Միջազգային հարաբերությունների նիդեռլանդական ինստիտուտ՝ Քլինգենդայլ:
Բաժանորդագրվեք
Yandex newsTelegram
Նիկոլ Փաշինյանը նշել է, որ ուզում է միջազգային հանրությունը տեսնի մարդկանց, որոնք ապրելով ԼՂ–ում, ամեն օր պայքարում են իրենց հայրենիքում ապրելու իրավունքի համար։
ԵՐԵՎԱՆ, 11 մայիսի – Sputnik. Առանց միջազգային հանրության ակտիվ և անկեղծ աջակցության հայ–թուրքական հարաբերություններում հաջողության հասնելու ավելի քիչ հնարավորություններ կունենանք: Միջազգային հարաբերությունների նիդեռլանդական ինստիտուտում` Քլինգենդայլում իր ելույթի ժամանակ նման կարծիք է հայտնել վարչապետ Նիկոլ Փաշինյանը։
«Մենք խոսակցություն ենք սկսել Թուրքիայի հետ և համաձայնել ենք առանց նախապայմանների սկսել հարաբերությունների կարգավորման փորձ և հասկանալի է, որ մի իրավիճակում, երբ կա շատ մեծ նեգատիվ պատմական ժառանգություն, սա հեշտ չի անել»,–ասել է Փաշինյանը։
Նա նշել է նաև, որ ուզում է միջազգային հանրությունը տեսնի մարդկանց, որոնք այսօր ապրում են Լեռնային Ղարաբաղում, որոնք ամեն օր, ի հեճուկս բազմաթիվ գործոնների, ամեն օր պայքարում են իրենց հայրենիքում ապրելու իրավունքի համար։ Բայց, մյուս կողմից, կա տարօրինակ մի փաստ, որ ըստ էության, այդ մարդիկ կտրված են միջազգային հանրության հետ լիարժեք հաղորդակցություն իրականացնելու հնարավորությունից:
ՀՀ վարչապետը հիշեցրել է, որ կան մի շարք միջազգային կառույցներ, գործակալություններ՝ ՄԱԿ, ՅՈՒՆԵՍԿՕ, նույնիսկ ԵԱՀԿ, որոնք զրկված են Լեռնային Ղարաբաղ մուտքի հնարավորությունից, որովհետև Ադրբեջանն արգելափակում է այդ հնարավորությունը։
Այս գործելակերպը, ըստ Փաշինյանի, այնքան էլ հասկանալի չէ, որովհետև եթե չկա իրականությունն այլակերպելու ցանկություն և կանխավարկած, այդ մուտքը սահմանափակելու քաղաքականությունն այնքան էլ հասկանալի չէ:
Հիշեցնենք` Փաշինյանը Նիդեռլանդների Թագավորությունում է երկօրյա պաշտոնական այցով։
Լրահոս
0