Քաղաքացիները ծաղիկներ են դրել Ռիգան ազատագրողների հուշարձանին և հերթապահություն սահմանել

Բաժանորդագրվեք
Yandex newsTelegram
Ռիգայի բնակիչները հուշարձանի մոտ 77 շարք ծաղիկներ են դրել՝ ի պատիվ Հայրենական մեծ պատերազմում տարած հաղթանակի 77-րդ տարեդարձի։
Ողջ օրը քաղաքացիները ծաղիկներ են բերել հուշարձանի մոտ, իսկ օրվա վերջում ձևավորվել է 77 շարք` բաղկացած ծաղիկներից և հիշատակի մոմերից։
Հաղթանակի տոնի նախօրեին Ռիգայի բնակիչները ծաղիկներ էին դրել ազատագրողների հուշարձանին։ Հաջորդ առավոտ քաղաքի հավաքարարները տրակտորով հավաքել էին ծաղիկներն ու տարել աղբավայր։ Ռիգան ազատագրողների հուշարձանից ծաղիկները հավաքելու հանձնարարականը տվել է անձամբ Լատվիայի ներքին գործերի նախարար Մարիա Գոլուբևան (բացահայտ լեսբուհի է)։
Լեհաստանում ՌԴ դեսպանի վրա կարմիր ներկ են լցրել և տհաճ արտահայտություններ արել նրա հասցեին
Դրանից հետո Ռիգայի բնակիչներն էլ ավելի շատ ծաղիկներ են բերել ազատագրողների հուշարձանի մոտ։ Եկել են անգամ նրանք, որոնք երբեք չեն մասնակցել այդ միջոցառումներին։
Ռիգայի կառավարիչ Յանիս Լանգեն խոստացել է առաջիկա օրերին չհեռացնել հուշարձանի մոտ դրված ծաղիկները։ Չնայած դրան` քաղաքացիներից ոմանք, վախենալով, որ իշխանությունները «կմտափոխվեն» և ծաղիկները կրկին աղբավայր կտանեն, հուշարձանի մոտ հերթապահություն են սահմանել։
Լրահոս
0