Գարունը ձյան տակ․քաղաքացիները կրկին «մեղադրում» են Գագիկ Սուրենյանին

© Sputnik / Asatur YesayantsԳագիկ Սուրենյանը Sputnik Արմենիայում
Գագիկ Սուրենյանը Sputnik Արմենիայում - Sputnik Արմենիա, 1920, 12.05.2022
Գագիկ Սուրենյանը Sputnik Արմենիայում. Արխիվային լուսանկար
Բաժանորդագրվեք
Yandex newsTelegram
Անոմալ ցուրտ եղանակ ու ձյան տեղումներ են գրանցվել ՀՀ մի շարք բնակավայրերում։
ԵՐԵՎԱՆ, 12 մայիսի – Sputnik. ՀՀ Հիդրոօդերևութաբանության և մոնիտորինգի կենտրոնի պետի տեղակալ Գագիկ Սուրենյանին Հայաստանում շարունակում են կատակով ընկալել որպես եղանակի կառավարիչ։ Այսօր, երբ անոմալ ցուրտ եղանակ ու տեղումներ են գրանցվել ՀՀ մի շարք բնակավայրերում, Սուրենյանը «Ֆեյսբուքի» իր էջում տեղադրել է Գեղարքունիքի մարզից մի նկար, որում կարմիր կակաչները ձյան և սառույցի տակ են հայտնվել։

««Պարոն Սուրենյան, էս ի՞նչ ա, վերահսկե՛ք», «Սուրենյա՛ն, արածդ դո՞ւրդ գալիս ա», «Սուրենյա՛ն, հերիք ա, փոխի՛»»,- «բողոքում» են քաղաքացիները։

Հիդրոերևութաբանը ավելի վաղ տեղադրել է տեսանյութ Սյունիքի մարզի Ծղուկ գյուղից, կադրերում երևում է, թե ինչպես է առատ ձյուն տեղում։ Այստեղ էլ մարդիկ «սպառնում են» Սուրենյանի դեմ հանրահավաքներ ու բողոքի ակցիաներ կազմակերպել, եթե եղանակը շուտ չտաքանա։
Իսկ եղանակը շուտով կտաքանա․ համաձայն ԱԻՆ կանխատեսումների՝ վաղվանից արդեն տեղումները ՀՀ մարզերում կդադարեն, եղանակի ջերմաստիճանը կհասնի մինչև +20-ի։ Իսկ կիրակի օրը Երևանում սպասվում է 25 աստիճան տաքություն, թեև հնարավոր է՝ այն ուղեկցվի թեթև անձրևով։
Լրահոս
0