Արարատ Միրզոյանը վերահաստատել է եռակողմ հայտարարությունների իրականացման հանձնառությունը

© Sputnik / Пресс-служба МИД РФ / Անցնել ֆոտոբանկԱրարատ Միրզոյան
Արարատ Միրզոյան - Sputnik Արմենիա, 1920, 13.05.2022
Արարատ Միրզոյան
Բաժանորդագրվեք
Yandex newsTelegram
ՀՀ արտգործնախարարը ներկայացրել է Լեռնային Ղարաբաղի հակամարտության համապարփակ կարգավորման վերաբերյալ հայկական կողմի դիրքորոշումը։
ԵՐԵՎԱՆ, 13 մայիսի – Sputnik. ԱՊՀ արտգործնախարարների խորհրդի նիստում, որը կայացել է Տաջիկստանի մայրաքաղաք Դուշանբեում, ՀՀ արտգործնախարար Արարատ Միրզոյանը վերահաստատել է Հայաստանի հանձնառությունը 2020թ․ նոյեմբերի 9-ի, 2021թ․ հունվարի 11-ի ու նոյեմբերի 26-ի եռակողմ հայտարարություններով ձեռք բերված պայմանավորվածությունների իրականացմանը։ Տեղեկությունը հայտնում է ՀՀ ԱԳՆ մամուլի ծառայությունը։
Ըստ հաղորդագրության` Միրզոյանը ներկայացրել է հայկական կողմի դիրքորոշումը Լեռնային Ղարաբաղի հակամարտության համապարփակ կարգավորման վերաբերյալ և այս առումով կարևորել խաղաղ գործընթացի առաջմղումը` ԵԱՀԿ Մինսկի խմբի համանախագահության մանդատի ներքո։
ԱՊՀ ԱԳ նախարարների խորհրդի նիստում համագործակցության անդամ երկրների արտաքին գերատեսչությունների ղեկավարները, ի թիվս այլ որոշումների, համաձայնեցրել են «Մետաքսի ճանապարհ» զբոսաշրջության միջազգային համալսարանին զբոսաշրջության ոլորտում ԱՊՀ մասնակից պետությունների բազային կազմակերպության կարգավիճակ շնորհելու որոշումը։
Ընդունվել է «ԱՊՀ երիտասարդական մայրաքաղաք» միջազգային նախագծի վերաբերյալ որոշում, որի նպատակն է ակտիվացնել ԱՊՀ մասնակից պետությունների փոխգործակցությունը` երիտասարդության ներուժի խթանման համար պայմաններ ստեղծելու ուղղությամբ։
Հիշեցնենք, որ ՀՀ արտգործնախարար Արարատ Միրզոյանը ԱՊՀ արտաքին գործերի նախարարների խորհրդի նիստին մասնակցելու նպատակով Տաջիկստանի մայրաքաղաք է մեկնել մայիսի 12-ին:
Երեկ կայացել է նրա հանդիպումը Ռուսաստանի արտգործնախարար Սերգեյ Լավրովի հետ, ինչպես նաև եռակողմ հանդիպում Ռուսաստանի և Ադրբեջանի արտգործնախարարների հետ:
Որոշվել են ԱՊՀ արտգործնախարարների խորհրդի հաջորդ նիստի վայրն ու ժամկետները
Լրահոս
0