Ֆրանսիայի ԱԳՆ-ն դատապարտել է Փարիզում Թուրքիայի գլխավոր հյուպատոսության վրա հարձակումը

Ֆրանսիայի ԱԳՆ - Sputnik Արմենիա, 1920, 13.05.2022
Ֆրանսիայի ԱԳՆ
Բաժանորդագրվեք
Yandex newsTelegram
Հատուկ միջոցներ են ձեռնարկվել Թուրքիայի դիվանագիտական առաքելության և Փարիզում դեսպանի նստավայրի պահպանության ուղղությամբ:
ԵՐԵՎԱՆ, 13 մայիսի -Sputnik. Ֆրանսիան դատապարտում է Փարիզում Թուրքիայի գլխավոր հյուպատոսության վրա հարձակումը և շարունակում է հետևել իրավիճակին։ Ինչպես հաղորդում է ՌԻԱ Նովոստին, այս մասին, ճեպազրույցի ժամանակ հայտարարել է Ֆրանսիայի ԱԳՆ ներկայացուցիչը։
Հայտնել էինք, որ Փարիզում Թուրքիայի գլխավոր հյուպատոսությունը ինքնաշեն պայթուցիկի կիրառմամբ հարձակման է ենթարկվել։ Արդյունքում վնասվել են դիվանագիտական ներկայացուցչության պատերն ու պատուհանները, տուժածներ չկան։
«Խստորեն դատապարտում ենք մայիսի 11-ի լույս 12-ի գիշերը Թուրքիայի գլխավոր հյուպատոսության դեմ իրականացված ագրեսիան։ Ներքին գործերի և արդարադատության նախարարություններն իրավասու ծառայությունների հետ օպերատիվ կապի մեջ են։ Կառավարությունը շարունակելու է առավել զգոնությամբ հետևել իրավիճակին», - նշել է Ֆրանսիայի արտաքին քաղաքական գերատեսչության ներկայացուցիչը։
Նրա խոսքով՝ հատուկ միջոցներ են ձեռնարկվել Թուրքիայի դեսպանատան և Փարիզում դեսպանի նստավայրի պահպանության ուղղությամբ։
Հիշեցնենք, որ Թուրքիայի ԱԳ նախարար Մեւլութ Չավուշօղլուն հայտարարել էր, որ Անկարան Փարիզից կոնկրետ քայլեր է ակնկալում Թուրքիայի գլխավոր հյուպատոսության վրա հարձակման առնչությամբ: Նա նաև պահանջել է պատասխանատվության ենթարկել բոլոր մեղավորներին։
Լրահոս
0