Մահացել է ԱՄԷ նախագահ Խալիֆա բեն Զայեդ Ալ Նահյանը

© AP Photo / Dan KitwoodԱրաբական Միացյալ Էմիրությունների (ԱՄԷ) նախագահ Խալիֆա բեն Զայեդ Ալ Նահյանը
Արաբական Միացյալ Էմիրությունների (ԱՄԷ) նախագահ Խալիֆա բեն Զայեդ Ալ Նահյանը - Sputnik Արմենիա, 1920, 13.05.2022
Արաբական Միացյալ Էմիրությունների (ԱՄԷ) նախագահ Խալիֆա բեն Զայեդ Ալ Նահյանը. Արխիվային լուսանկար
Բաժանորդագրվեք
Yandex newsTelegram
2004 թվականի նոյեմբերին Խալիֆա բեն Զայեդ Ալ Նահյանը դարձել էր Արաբական Միացյալ Էմիրությունների երկրորդ նախագահը։
ԵՐԵՎԱՆ, 13 մայիսի – Sputnik. 73 տարեկանում մահացել է Արաբական Միացյալ Էմիրությունների (ԱՄԷ) նախագահ Խալիֆա բեն Զայեդ Ալ Նահյանը։ Տեղեկությունը հայտնել է WAM լրատվական գործակալությունը։
Խալիֆա բեն Զայեդ Ալ Նահյանը ծնվել է 1948 թվականի սեպտեմբերի 7-ին Էլ–Այն քաղաքում: Նա նախկին նախագահ շեյխ Զայեդ Ալ Նահյանի ավագ որդին էր։
1967 թվականի փետրվարին Խալիֆան նշանակվեց Աբու Դաբիի էմիրության թագաժառանգ։ Մինչ նախագահ ընտրվելը նա ղեկավարում էր Աբու Դաբին, որտեղ գտնվում է ԱՄԷ-ի նավթի պաշարների 80%-ը։ Նա նաև ղեկավարել է ԱՄԷ նավթի հարցերով գերագույն խորհուրդը։
1971 թվականին, ԱՄԷ-ի կազմավորումից հետո, Շեյխ Խալիֆան դարձավ Աբու Դաբիի վարչապետ, պաշտպանության նախարար և ֆինանսների նախարար։
2004 թվականի նոյեմբերին` հոր մահից հետո, նա դարձավ Արաբական Միացյալ Էմիրությունների երկրորդ նախագահը։
Forbes ամսագրի տվյալներով՝ նա աշխարհի ամենահարուստ մարդկանցից մեկն էր, որի կարողությունը գնահատվում է 15 միլիարդ դոլար,իսկ ընտանիքի անդամների կարողությունը` 150 միլիարդ դոլար։
Լրահոս
0