Որևէ այլ երկրի վարչապետ չէր մնա իր պաշտոնում. Իշխանյանը` հղի կնոջ վրաերթի մասին

© Sputnik / Asatur YesayantsԱվետիք Իշխանյան
Ավետիք Իշխանյան - Sputnik Արմենիա, 1920, 14.05.2022
Ավետիք Իշխանյան
Բաժանորդագրվեք
Yandex newsTelegram
Իրավապաշտպանը կարծում է, որ ցանկացած այլ երկրում նման դեպքից հետո ողջ ժողովուրդը փողոց դուրս կգար, եթե վարչապետը հրաժարական չտար։
ԵՐԵՎԱՆ, 14 մայիսի – Sputnik. Այսպիսի դեպքից հետո որևէ երկրում վարչապետը չէր կարող մնալ իր պաշտոնում։ Այսօր լրագրողների հետ հանդիպմանն ասաց Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը` անդրադառնալով վարչապետին ուղեկցող ոստիկանական ավտոմեքենայով հղի կնոջը վրաերթի ենթարկելու դեպքին։

«Ողջ ժողովուրդը փողոց դուրս կգար, եթե վարչապետը կամովին հրաժարական չտար։ Բայց մենք հանդուրժեցինք։ Ավելին` մարդիկ կան, որոնք արդարացնում են դա։ Ինձ չի հետաքրքրում պրոտոկոլ և այլն։ Մարդը ցինիկաբար կնոջը գցում է մեքենայի տակ և գնում»,- ասաց Իշխանյանը։

Կնոջը վրաերթն ենթարկած վարորդը, որը ստորագրությամբ ազատ է արձակվել, իրավապաշտպանի համոզմամբ, եթե դեպքից հետո կանգնեցներ ավտոմեքենան, պատասխանատվության կենթարկվեր։
Հիշեցնենք` ապրիլի 26-ին` ժամը 18:05-ի սահմաններում, Երևանի Լեո-Պարոնյան փողոցների խաչմերուկի մոտ ոստիկանության ՃՈ ծառայության ուղեկցող սպայական վաշտի հրամանատարը «Տոյոտա Պրադո» մեքենայով վրաերթի է ենթարկել հղի կնոջ։ Նա տեղափոխվել էր «Նաիրի» բժշկական կենտրոն, որտեղ, գիտակցության չգալով, մահացել է։
Վարորդը դեպքից հետո թողել էր պատահարի վայրը և հեռացել, սակայն ժամը 20:05-ին վերադարձել էր և մասնակցել քննչական գործողություններին:
Ավելի ուշ հայտնի դարձավ, որ վրաերթի ենթարկվածը Սոնա Մնացականյանն է, որն աշխատում էր «Support Our Heroes-Armenia» («Աջակցենք մեր հերոսներին-Հայաստան») կազմակերպությունում:
Մահվան ելքով վրաերթի գործով ոստիկանության «Ճանապարհային ոստիկանություն» ծառայության ուղեկցող սպայական վաշտի հրամանատարը ձերբակալվել էր, բայց հետո ստորագրությամբ ազատ արձակվել։
Լրահոս
0