https://arm.sputniknews.ru/20220516/rdi-het-arevtury-knvazi-kankhatesum-e-hajastani-kbn-42083759.html
ՌԴ–ի հետ առևտուրը կնվազի. կանխատեսում է Հայաստանի ԿԲ–ն
ՌԴ–ի հետ առևտուրը կնվազի. կանխատեսում է Հայաստանի ԿԲ–ն
Sputnik Արմենիա
ԱԺ ֆինանսավարկային և բյուջետային հարցերի մշտական հանձնաժողովում քննարկվում է ՀՀ կենտրոնական բանկի գործունեության վերաբերյալ տարեկան հաղորդումը, թեև... 16.05.2022, Sputnik Արմենիա
2022-05-16T11:19+0400
2022-05-16T11:19+0400
2022-05-16T11:22+0400
հայաստան
կենտրոնական բանկ (կբ)
ռուսաստան
ուկրաինա
առևտուր
https://cdn.am.sputniknews.ru/img/2292/65/22926572_0:60:1600:960_1920x0_80_0_0_616065f323ea4cdc2aa77f46e701fc2c.jpg
ԵՐԵՎԱՆ, 16 մայիսի – Sputnik. Ռուս–ուկրաինական իրադարձությունների ֆոնին այդ երկրների հետ Հայաստանի միջազգային առևտուրը կտրուկ կրճատվել է։ ԱԺ ֆինանսավարկային և բյուջետային հարցերի մշտական հանձնաժողովի նիստում այս մասին ասաց ՀՀ ԿԲ նախագահի տեղակալ Հովհաննես Խաչատրյանը։Թե ՌԴ–ի հետ առևտուրն առաջիկայում որքան կկրճատվի, ԿԲ–ն դեռ վերջնական գնահատական չունի։ Հայտնի չէ նաև, թե որ ուղղությամբ ու որ ոլորտներում կլինի սպասվող փոփոխությունը։ Փոխարենը Ուկրաինայի հետ առևտուրն արդեն իսկ զրոյական վիճակում է։«Ուկրաինայի հետ մենք ունենք ոչ մեծ առևտուր` 160 մլն դոլարի։ 120 միլիոնը ներմուծումն է, որը եթե դեռ չի զրոյացել, ապա զրոյին մոտ է` երկու կողմից էլ»,– ասաց ԿԲ փոխնախագահը։Խաչատրյանը նաև հայտնեց, որ ՀՀ ԿԲ–ն ՌԴ տնտեսության համար այս տարի 8 տոկոս տնտեսական աճ է կանխատեսել, բայց այդ կանխատեսումներն արվել են «անհասկանալի իրադարձությունների» ֆոնին, երբ միջազգային կանխատեսումները խիստ տարբեր են` 5-6-ից մինչև 10-15 տոկոսի միջակայքերում։«Ռուսաստանի Դաշնության գնաճը բարձր է։ Երկնիշ գնաճ ունեն` մոտ 18 տոկոս, որը ռուբլու արժեզրկման հետևանք էր։ Վերջին շրջանում իրավիճակի կայունացման ու փոխարժեքի փոփոխության հետ կապված վերանայումներ կլինեն»,– ասաց Խաչատրյանը։Նշենք, որ ԱԺ ֆինանսավարկային և բյուջետային հարցերի մշտական հանձնաժողովի նիստում այսօր քննարկվում է ՀՀ կենտրոնական բանկի գործունեության վերաբերյալ տարեկան հաղորդումը, թեև քննարկումների առանցքում ավելի շատ ապագա կանխատեսումներին վերաբերող հարցերն են։Բանկային քարտով առևտուր անելու դեպքում ՀՀ թոշակառուները զեղչեր կստանան. Փաշինյան
ուկրաինա
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, կենտրոնական բանկ (կբ), ռուսաստան, ուկրաինա, առևտուր
հայաստան, կենտրոնական բանկ (կբ), ռուսաստան, ուկրաինա, առևտուր
ՌԴ–ի հետ առևտուրը կնվազի. կանխատեսում է Հայաստանի ԿԲ–ն
11:19 16.05.2022 (Թարմացված է: 11:22 16.05.2022) ԱԺ ֆինանսավարկային և բյուջետային հարցերի մշտական հանձնաժողովում քննարկվում է ՀՀ կենտրոնական բանկի գործունեության վերաբերյալ տարեկան հաղորդումը, թեև ուշադրության առանցքում ավելի շատ ապագա կանխատեսումներին վերաբերող հարցերն են։
ԵՐԵՎԱՆ, 16 մայիսի – Sputnik. Ռուս–ուկրաինական իրադարձությունների ֆոնին այդ երկրների հետ
Հայաստանի միջազգային առևտուրը կտրուկ կրճատվել է։ ԱԺ ֆինանսավարկային և բյուջետային հարցերի մշտական հանձնաժողովի նիստում այս մասին ասաց ՀՀ ԿԲ նախագահի տեղակալ Հովհաննես Խաչատրյանը։
«Մենք ունենք 2.5 մլրդ դոլարի միջազգային առևտուր ՌԴ–ի հետ, որից շուրջ 800 մլն դոլարը արտահանումն է, 1.7 մլրդ դոլարը` ներմուծումը։ Վերջին 1.5 ամսվա իրադարձությունների զարգացման պարագայում թարմ տվյալները, իհարկե, քիչ են հեռուն գնացող կանխատեսումներ անելու համար։ Բայց ամենայն հավանականությամբ առևտուրը կկրճատվի»,– ասաց Խաչատրյանը։
Թե ՌԴ–ի հետ առևտուրն առաջիկայում որքան կկրճատվի, ԿԲ–ն դեռ վերջնական գնահատական չունի։ Հայտնի չէ նաև, թե որ ուղղությամբ ու որ ոլորտներում կլինի սպասվող փոփոխությունը։ Փոխարենը Ուկրաինայի հետ առևտուրն արդեն իսկ զրոյական վիճակում է։
«Ուկրաինայի հետ մենք ունենք ոչ մեծ առևտուր` 160 մլն դոլարի։ 120 միլիոնը ներմուծումն է, որը եթե դեռ չի զրոյացել, ապա զրոյին մոտ է` երկու կողմից էլ»,– ասաց ԿԲ փոխնախագահը։
Խաչատրյանը նաև հայտնեց, որ ՀՀ ԿԲ–ն ՌԴ տնտեսության համար այս տարի 8 տոկոս տնտեսական աճ է կանխատեսել, բայց այդ կանխատեսումներն արվել են «անհասկանալի իրադարձությունների» ֆոնին, երբ միջազգային կանխատեսումները խիստ տարբեր են` 5-6-ից մինչև 10-15 տոկոսի միջակայքերում։
«Ռուսաստանի Դաշնության գնաճը բարձր է։ Երկնիշ գնաճ ունեն` մոտ 18 տոկոս, որը ռուբլու արժեզրկման հետևանք էր։ Վերջին շրջանում իրավիճակի կայունացման ու փոխարժեքի փոփոխության հետ կապված վերանայումներ կլինեն»,– ասաց Խաչատրյանը։
Նշենք, որ ԱԺ ֆինանսավարկային և բյուջետային հարցերի մշտական հանձնաժողովի նիստում այսօր քննարկվում է ՀՀ կենտրոնական բանկի գործունեության վերաբերյալ տարեկան հաղորդումը, թեև քննարկումների առանցքում ավելի շատ ապագա կանխատեսումներին վերաբերող հարցերն են։
