Ավտոերթեր իրականացնող ընդդիմադիրներից ավելի քան 90-ին ոստիկանություն են տարել

© Sputnik / Asatur YesayantsՈստիկանները բերման են ենթարկում ակցիայի մասնակիցներին։
Ոստիկանները բերման են ենթարկում ակցիայի մասնակիցներին։ - Sputnik Արմենիա, 1920, 16.05.2022
Ոստիկանները բերման են ենթարկում ակցիայի մասնակիցներին։
Բաժանորդագրվեք
Yandex newsTelegram
Շարժման անդամներն ավտոերթերը սկսել էին առավոտյան 8։00-ից։
ԵՐԵՎԱՆ, 16 մայիսի – Sputnik. Երևան մտնող հիմնական մայրուղիներից ավտոերթերով մայրաքաղաք հասած ընդդիմադիրներից շուրջ 90-ը ոստիկանությունում են։ Տեղեկությունը Sputnik Արմենիային հայտնեցին ՀՀ ոստիկանության մամուլի ծառայությունից։

«Այս պահի դրությամբ 91 քաղաքացի է բերվել ոստիկանություն»,- տեղեկացրին մեզ։

Քաղաքացիներին բաժիններ են տարել ոստիկանության օրինական պահանջը չկատարելու հոդվածով (ՎԻՎՕ, 182-րդ հոդված)։
Նշենք, որ այսօր վաղ առավոտից` ժամը 08։00-ից, ավտոերթեր էին մեկնարկել Երևան մտնող հիմնական մայրուղիներից` Աշտարակի, Արգավանդի, Արտաշատի, Սևանի և Արինբերդի ավտոճանապարհներից։
Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։ Ապրիլի 13-ին խորհրդարանում նա ափսոսանք հայտնեց, որ 2018-2019 թվականներին ժողովրդին չի ասել, որ «մեր բոլոր հեռու և մոտիկ բարեկամները մեզնից ակնկալում են, որ մենք այս կամ այն կոնֆիգուրացիայով Ադրբեջանին հանձնենք 7 հայտնի շրջանները և իջեցնենք Արցախի կարգավիճակի համար մեր սահմանած նշաձողը»։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության ակցիաներ, երթեր ու հանրահավաքներ։
Լրահոս
0