Ավելի քան 400 ցուցարար է բերման ենթարկվել

© Sputnik / Asatur YesayantsԱնհնազանդության ակցիաներ
Անհնազանդության ակցիաներ - Sputnik Արմենիա, 1920, 17.05.2022
Անհնազանդության ակցիաներ
Բաժանորդագրվեք
Yandex newsTelegram
Անհնազանդության ակցիաներն ավարտվեցին. երեկոյան ժամը 19։00-ին Ֆրանսիայի հրապարակում հանրահավաք կլինի։
ԵՐԵՎԱՆ, 17 մայիսի – Sputnik. Ոստիկանությունը բերման է ենթարկել Երևանի տարբեր վարչական շրջաններում անհնազանդության ակցիաներ իրականացրած ավելի քան 400 քաղաքացու։ Տեղեկությունը Sputnik Արմենիային հայտնեցին ՀՀ ոստիկանության մամուլի ծառայությունից։
«Այսօր, ժամը 12։15-ի դրությամբ 414 քաղաքացի է բերվել ոստիկանություն»,- տեղեկացրին ոստիկանությունից։ Նրանք ոստիկանություն են տարվել «Ոստիկանության օրինական պահանջը չկատարելու» հոդվածով (ՎԻՎՕ, 182-րդ հոդված)։
Նշենք, որ բողոքի ակցիաներն ավարտվեցին. երեկոյան ժամը 19։00-ին Ֆրանսիայի հրապարակում հանրահավաք կլինի։
Հիշեցնենք, որ ՀՀ երկրորդ նախագահ Ռոբերտ Քոչարյանի որդին` Լևոն Քոչարյանը, ոստիկանական ավտոբուսի միջից «լայվ» էր մտել ու հայտնել, որ իրենց տարել են Զեյթունի բաժանմունք, սակայն այնտեղ տեղ չկար։ Ավելի ուշ Քոչարյանը կրկին «լայվ» էր մտել ու ասել` հիմա էլ Էրեբունու բաժանմունք են բերել, սակայն այնտեղ էլ տեղ չկա։
Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության ակցիաներ, երթեր ու հանրահավաքներ։
Լրահոս
0