Տրանսֆերտների շարժը. որքա՞ն գումար է մտել Հայաստան տարվա առաջին եռամսյակում

© Sputnik / Shushanik AvdalyanՏրանսֆերտներ
Տրանսֆերտներ - Sputnik Արմենիա, 1920, 17.05.2022
Բաժանորդագրվեք
Yandex newsTelegram
ՌԴ-ից դրամական փոխանցումներն ավելացել են ռուսաստանցիների հաշվին, որոնք եկել են Հայաստանում ապրելու և աշխատելու։
Հայաստանի սեզոնային աշխատողների մի մասը չեն կարողացել մեկնել արտագնա աշխատանքի՝ Ռուսաստանի տնտեսության բարդությունների պատճառով, որոնք առաջացել են Ուկրաինայում հատուկ գործողության հետևանքով։ Փոխարենն ավելացել են Հայաստան ժամանած ռուսաստանցիների դրամական փոխանցումները։ Նրանցից ոմանք մեր երկիր գալիս են ժամանակավորապես (հույս ունենալով այստեղ եվրոպական կամ ամերիկյան վիզա ստանալ), իսկ ոմանք երկար ժամանակ են մնում, ուրիշներն էլ ՀՀ են տեղափոխում իրենց բիզնեսները (հիմնականում ՏՏ և ֆինանսական ոլորտների)։
Ընդ որում, տարվա առաջին եռամսյակում ավելացել է նաև Հայաստանից Ռուսաստան փոխանցումների արտահոսքը։ Մասամբ դա կարող է պայմանավորված լինել այն հանգամանքով, որ այստեղ աշխատելու տեղափոխված ռուսաստանցիները գումար են ուղարկում տուն, մասամբ էլ՝ այն հանգամանքով, որ վիճակագրության մեջ հաշվի են առնվում նաև անհատ ձեռնարկատերերի վճարումները (իսկ ՌԴ քաղաքացիները մեծ թվով ԱՁ-ներ են բացել)։
ԱՄՆ-ից փոխանցումները շարունակում են ավելի բարձր մնալ, քան համավարակից առաջ էր (հիմնականում այն պատճառով, որ ԱՄՆ-ում ապրող բազմաթիվ հայեր տուն են ուղարկում այն գումարի մի մասը, որը ստանում են օգնության հակաճգնաժամային ծրագրերի շրջանակում)։
Ակտիվացել է առևտուրը Թուրքիայի և Արաբական Էմիրությունների հետ, այդ պատճառով աճել է նաև Հայաստանից այդ երկրներ միջոցների արտահոսքը (թեև բացարձակ թվերով այն շարունակում է փոքր մնալ)։ Հիմնականում ապրանքներ գնում են ձեռնարկությունները՝ բանկային փոխանցումների միջոցով, բայց ոչ մեծ մասը գնում են նաև անհատ ձեռնարկատերերը՝ դրամական փոխանցումների միջոցով:
Լրահոս
0