Ոստիկանությունը բերման ենթարկեց Բաղրամյան-Իսահակյան խաչմերուկը փակած կանանց ու աղջիկներին

Բաժանորդագրվեք
Yandex newsTelegram
ԵՐԵՎԱՆ, 17 մայիսի – Sputnik. Ոստիկանները Երևանի Բաղրամյան-Իսահակյան խաչմերուկը փակած կանանց ու աղջիկների մի մասին տարան տարբեր բաժիններ։
Սկզբում ոստիկանների և կանանց միջև քաշքշուկ սկսեց, հետո նրանց տարան դեպի մայթ։ Կանայք ու երիտասարդ աղջիկները կրկին դուրս եկան փողոց ու նստեցին։ Ոստիկաններն այդ ամենից հետո բերման ենթարկեցին կանանց մեծ մասին։
Ակցիային մասնակցում էր նաև «Պատիվ ունեմ» խմբակցության պատգամավոր Աննա Մկրտչյանը։
Այդ ընթացքում կանայք վանկարկում էին. «Նիկո՛լ, դավաճա՛ն», «Առանց թուրքի Հայաստան»։
Ակցիա իրականացնողների խմբից մնացել է 4 հոգի։
Ընդդիմադիրները բողոքի ակցիաները վերսկսել են ժամը 08։00-ից։
Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության ակցիաներ, երթեր ու հանրահավաքներ։
Լրահոս
0